更多
2014-08-07
6739 瀏覽
重點在題外話/補充資料, 必看!!自從上次團購中伏之後, 除左酒店buffet或者條款寫得好清楚o既, 其他一律免問。加上而家出左商品說明條例, 應該情況會好d。個fd話想食日本野, 咁o岩笑笑又有現金券6折, 仲一人送一杯野飲, 買左2張一入到去, 比左張2人L位, 好似包房咁自成一角, 唔錯唔錯, 出面D2人台都幾, 成間鋪環境係幾好一坐我叫左杯巨峰乳酸, 真係好似我同我個fd咁啦, 君子之交...........唔好以為因為d冰溶左所以咁淡, 杯野一黎已經係咁樣我個FD就醒啦, 等我叫完試飲一啖, 叫左杯可樂 杯可樂真係夠冰凍, 又夠汽, 暑氣盡消!其他野食, 冇影相, 仲叫左豆腐沙律 ($58) 為個左沙律汁而叫, 汁係一貫的好味, 好有芝麻香。份量好多, 有氐菜, 海藻, 豆腐。豆腐雪得夠凍, 夏天食真係O岩晒! 略嫌個豆腐唔夠豆味芥辣章魚 ($28) WASABI味重, 開胃前菜芝士薯仔年糕 ($58) 有4粒, 最好食係呢個, 煙煙UNUN, 襯熱食, 如果入面芝士再多D就仲正!蕃薯南瓜天婦羅 ($42) 有蕃薯 4片, 南瓜4片, 蕃薯南瓜好甜, 粉醬唔多, 香脆而不
自從上次團購中伏之後, 除左酒店buffet或者條款寫得好清楚o既, 其他一律免問。加上而家出左商品說明條例, 應該情況會好d。
個fd話想食日本野, 咁o岩笑笑又有現金券6折, 仲一人送一杯野飲, 買左2張
一入到去, 比左張2人L位, 好似包房咁自成一角, 唔錯唔錯, 出面D2人台都幾, 成間鋪環境係幾好
一坐我叫左杯巨峰乳酸, 真係好似我同我個fd咁啦, 君子之交...........唔好以為因為d冰溶左所以咁淡, 杯野一黎已經係咁樣
我個FD就醒啦, 等我叫完試飲一啖, 叫左杯可樂 杯可樂真係夠冰凍, 又夠汽, 暑氣盡消!
其他野食, 冇影相, 仲叫左豆腐沙律 ($58) 為個左沙律汁而叫, 汁係一貫的好味, 好有芝麻香。份量好多, 有氐菜, 海藻, 豆腐。豆腐雪得夠凍, 夏天食真係O岩晒! 略嫌個豆腐唔夠豆味
芥辣章魚 ($28) WASABI味重, 開胃前菜
芝士薯仔年糕 ($58) 有4粒, 最好食係呢個, 煙煙UNUN, 襯熱食, 如果入面芝士再多D就仲正!
蕃薯南瓜天婦羅 ($42) 有蕃薯 4片, 南瓜4片, 蕃薯南瓜好甜, 粉醬唔多, 香脆而不油。唯一美中不足係冇天婦羅汁, 要問先有
三文魚腩壽司 ($20) 帶子壽司 ($32) 鰻魚壽司 ($28) 火炙三文魚壽司 ($20) 甜蝦壽司 ($24)
- 壽司飯應該係微暖, 魚生片要凍, 同埋不能太大塊, SIZE適中。SIZE PERFECT! 不過呢度飯係涼, 魚生片反而唔夠凍, 有可能係雪柜溫度唔夠, 或者握壽司時太多手先握好, 又或者整好左好耐先上台。
- 火炙三文魚因為燒過, 所以塊魚生片應該係微暖, 不過呢度係涼, 有可能師傅整定一堆, 有人叫立即上碟, 又或者係擺太耐先上台
- 帶子夠新鮮, 又肥美
- 三文魚腩應該係肥美, 多油脂。但係呢度不夠肥, 冇咩油, 似普通三文魚, 而唔係魚腩
埋單$410, 計左現金券6折, 每個人都要比 $165。價錢略貴, 而且選擇少。
題外話/補充資料：
間野對使用「現金券」客人極度不公
普通客限時2個鐘, 使用「現金券」客限時1.5個鐘。而且呢d野都冇寫明o係購買「現金券」o既條款。係book位時先講。我問佢點解團購網度冇寫, 佢竟然話, 你團購就係咁咖啦, 唔可以同walk-in客比, 團購就梗係要食少d時間啦, 你想食2個鐘就唔好用「現金券啦」
普通客食夠$100可以簽卡, 使用「現金券」客就要食夠$300先可以簽卡。
其實消委會早在2008年已經出過新聞文件話D商鋪咁樣定簽卡最低消費同埋以將信用卡手續費轉駕消費者係唔o岩, 唔知點解佢地仲可以咁做
(以上食評乃用戶個人意見 , 並不代表OpenRice之觀點。)
張貼
