更多
2014-08-06
10319 瀏覽
秋田鐵板燒係好耐之前已經聽人讚過好多次，但一直冇咩機會去試…次次同壽星慶祝生日，都係去食西餐鋸下扒多…但香港稍為出名既西餐廳Amigo、Caprice都試過…唔係慶祝生日就係紀念日…所以今次到我請人食飯，我話事!就決定去秋田鐵板燒食順便試下究竟係咪咁好食…一早訂左枱，準時7點到，樓下直到坐低服務態度都唔錯…2人餐有三款揀，價錢都有唔同，由於我地唔中意食鮑魚所以揀左個冇鮑魚但有我地中意食既銀鱈魚每人$638既2人餐另外侍應姐姐話可以加$228 upgrade將薄切牛肉轉澳洲和牛，壽星好中意食牛，咁就梗係轉左和牛啦！我地坐個張枱係有6個人圍住鐵板坐，同埋現場大多數都係情侶…第一道菜係黑松露蒸蛋。蛋好滑，蛋入面仲有少少鵝肝添…正！然後就到我第二至愛龍蝦，真係好好好好好味！！！(第一至愛係鵝肝)淨低既龍蝦殼就用火燒一燒，比客人錄下片影下相咁之後就用黎整湯，不過個湯就麻麻地…講真，個湯就算加左龍蝦殼但味道同麵豉湯冇咩分別。下一道菜，另外4人就係鮑魚，我地就係唔太岩鮑魚…所以人地食鮑魚我地就食銀鱈魚。銀鱈魚係加左牛油既汁一齊燒，不過我比較中意食西京汁燒銀鱈魚多D…好在係夠大塊，魚既肉質夠嫩…比起其
但一直冇咩機會去試…
次次同壽星慶祝生日，都係去食西餐鋸下扒多…
但香港稍為出名既西餐廳Amigo、Caprice都試過…
唔係慶祝生日就係紀念日…
所以今次到我請人食飯，我話事!
就決定去秋田鐵板燒食順便試下究竟係咪咁好食…
一早訂左枱，準時7點到，樓下直到坐低服務態度都唔錯…
2人餐有三款揀，價錢都有唔同，
由於我地唔中意食鮑魚所以揀左個冇鮑魚但有我地中意食既銀鱈魚每人$638既2人餐
另外侍應姐姐話可以加$228 upgrade將薄切牛肉轉澳洲和牛，
壽星好中意食牛，咁就梗係轉左和牛啦！
我地坐個張枱係有6個人圍住鐵板坐，同埋現場大多數都係情侶…
第一道菜係黑松露蒸蛋。
蛋好滑，蛋入面仲有少少鵝肝添…正！
然後就到我第二至愛龍蝦，真係好好好好好味！！！(第一至愛係鵝肝)
淨低既龍蝦殼就用火燒一燒，比客人錄下片影下相咁之後就用黎整湯，
不過個湯就麻麻地…講真，個湯就算加左龍蝦殼但味道同麵豉湯冇咩分別。
下一道菜，另外4人就係鮑魚，我地就係唔太岩鮑魚…
所以人地食鮑魚我地就食銀鱈魚。
銀鱈魚係加左牛油既汁一齊燒，不過我比較中意食西京汁燒銀鱈魚多D…
好在係夠大塊，魚既肉質夠嫩…比起其他人食鮑魚，感覺更滿足。
之後就到我第一至愛鵝肝多士出場喇！
由佢用牛油燒多士開始到佢拎幾塊鵝肝出黎…
佢燒既過程，我對眼都望到實一實，
我已經唔理卡路里係咩一回事！哈哈
塊鵝肝真係厚過同大塊過塊多士！
鵝肝燒得外脆內軟…十個讚！！！
好好好好滿足不過食左一半就好滯… 要壽星幫手食啖先食得晒！
食完件鵝肝多士，我已經好飽…不過仲有好多野未食…
之後就到和牛啦，見到三塊牛扒都係一樣，
原來我地同枱3對客人都一樣upgrade左澳洲和牛
其實唔upgrade都得既，不過係薄切牛肉，感覺好似好唔滿足咁
反正都黎得食飯，都想食得好少少…我諗大家既心態應該都一樣
結論係，雖然我已經好飽…不過係真係好味既！
medium既肉質真係岩岩好！
跟住就到最期待既炒飯！！
因為佢並唔係普通既炒飯，
而係可以砌圖案加寫字然後再炒埋一碟既炒飯
佢問我地3對客人有冇想整咩圖案，我見冇人出聲就話要鬆弛熊！
其實都唔係我中意，而係壽星中意但怕羞唔敢講！哈哈
右邊個對客人就話想要小丸子，而左邊個對客人就話唔洗整
不過佢都係同壽星一樣黎慶祝生日，果然…係慶祝既好地方！
師傅讚！小丸子同鬆馳熊都整得好似！
下次我要再黎整我最心愛既三眼仔先得..哈哈
整好之後就大家開開心心影下相，入去影又得，出面影都得！
跟住就有炒飯同炒雜菜食啦！
炒飯佢係用埋頭先既和牛但好肥既部分一齊炒，好惹味！
我食唔晒個炒飯…不過個炒飯我覺得好味！
但個炒雜菜係份量少左D…同埋如果落多D牛油黎炒就好。
甜品係紅豆餅，即係兩塊迷你熱香餅夾住紅豆醬…
我唔中意食紅豆，所以…評價唔到好唔好味，
私心覺得如果餡料用豆沙會好味D！
雪糕有綠茶同芝麻味揀，我地都揀左綠茶味，
同平時係日本餐廳食既綠茶雪糕味道一樣
不過聽到隔離個對客人話芝麻好味喎…
早知道一人揀一款味啦！蠢左！
多謝餐廳最後仲送左個小cake有Happy Birthday既牌插住，
小小心意不過唔係間間餐廳都有！讚一個！
成餐飯食左兩個鐘，有得睇表演又食得好滿足，壽星都食得好開心！
果然係一間一試難忘既餐廳！下次慶祝生日或者咩紀念日都可以再去！
唯一有少少美中不足既係，
原來負責我地3對客人既個位師傳好cool…
因為見到隔離個位師傳同d客人有講有笑又表演下，
相對之下先發現我地個位師傳好cool…
不過…下次會再encore既！D野食好味就得啦！^^
張貼
