大滿喜日本料理 (已結業)

呢幾年D放題質素發覺好似黎黎去去都係果D野,唔係話相當吸引。但當我試左呢間大滿喜之後,發覺呢間原來都唔錯,係一間值得一試既放題,我諗比起其他同區放題既質素,呢間係相當唔錯的。先講拎位,我同D FD一行4個WALK IN入去排隊拎位,我地食6點,等左十分鐘唔洗就已經有位入到去一坐低之後我地張台係4個人既位,整體外觀環境唔錯,燈光都幾有氣氛。呢間放3既食物款式比想像中多,一間好既放題,除了食物款式要多外,刺身質素也是最重要的。一開始我地即刻叫左沙律同刺身先,等左5分鐘之後,2個都黎齊晒!個刺身拼盆好靚,先講三文魚刺魚,由於本人特別鍾意食三文魚刺身,覺得呢間三文魚D質素唔錯,厚度岩岩好同幾新鮮。除左刺身之外,仲有其中幾款要推介的芝麻雞翼,熱辣辣,外脆內嫩,正忍唔住再ENCORE,其次就係推介牛肋骨,雞軟骨,另一驚喜是通常放題都有既壽司,蝦同帶子都好大塊,飲品方面,款式也好多,有提子汁,芒果汁,忌廉鮮奶,烏龍茶,啤酒等,稍為嫌坐位比較窄少,整體是不錯的。