聰嫂星級甜品 (已結業)

食完晚餐朋友話帶我去食糖水，大約九點半黎到，排左15分鐘隊就入到去，地方唔算大，但就放左好多張枱同櫈，所以食客都坐得比較迫，而且好應聲，嘈到爆炸。我地叫左楊枝金露豆腐花同龍眼椰果冰。楊枝金露豆腐花，面果層有好多芒果肉，芒果肉都算甜，但西油粒就好少，而且有小小澀，豆腐花係底，有豆味，個糖水(楊枝金露汁)太甜，食完好口渴。龍眼椰果冰，試左一啖個冰，好香龍眼味，好清甜！有機會再試試！