更多
2014-07-22
4412 瀏覽
兩個人喺貓山皇食左5個甜品已經飽，但一場到元朗，又冇理由唔試多間，食埋晚餐先返去。本來想食土耳其風格，點知咁唔好彩，去到發現裝修緊，唯有下次再黎過啦。誤打誤撞下就黎左chef's stage cafe。由門口到入面，全部都好黑，黑到好似間bar咁。好細間，大概只係坐同２０人，咁啱淨返一張２人枱，唔使等位就有得入去啦 店員好細心咁問我地有冇黎過，介紹返個menu。有幾款set dinner，可以揀餐湯或者沙律，是日有菠菜薯仔湯同蘋果紅菜頭沙律。menu既main亦可以加錢轉set。多士好脆，香草味好香。sauce少少酸，幾開胃。加$8轉松露野菌湯。好香野菌味，口感夠厚身，值得推介散叫既沙律，有parma ham, melon, rocket leaves 同 ricotta cheese。黑醋畫得好靚，好似幅畫咁 rocket leaves同蜜瓜好fresh, 配淡淡既ricotta cheese, 好match。如果parma ham脂肪多返少少, 食落更香口就perfect啦。Set B: 鵝肝配zucchini risotto前幾日喺旺角天機棧食左鵝肝pesto risotto好失
由門口到入面，全部都好黑，黑到好似間bar咁。好細間，大概只係坐同２０人，咁啱淨返一張２人枱，唔使等位就有得入去啦
店員好細心咁問我地有冇黎過，介紹返個menu。有幾款set dinner，可以揀餐湯或者沙律，是日有菠菜薯仔湯同蘋果紅菜頭沙律。menu既main亦可以加錢轉set。
多士好脆，香草味好香。sauce少少酸，幾開胃。
加$8轉松露野菌湯。好香野菌味，口感夠厚身，值得推介
散叫既沙律，有parma ham, melon, rocket leaves 同 ricotta cheese。黑醋畫得好靚，好似幅畫咁 rocket leaves同蜜瓜好fresh, 配淡淡既ricotta cheese, 好match。如果parma ham脂肪多返少少, 食落更香口就perfect啦。
Set B: 鵝肝配zucchini risotto前幾日喺旺角天機棧食左鵝肝pesto risotto好失望, 反之今次係非常驚喜。飯入面撈左唔少既鵝肝，未算十分肥美，但足夠喺risotto之中突出鵝肝既味道 鵝肝粒同青瓜粒切到差唔多大細，一軟一爽，增加層次感。risotto好creamy，個汁都好香，唯一美中不足係偏稔。真係好少食到飯粒外面濕軟，中間帶少少硬果種口感。
最後，set dinner 加$18 有Tiramisu。既然由麵包開始，每一樣都好食，相信甜品亦唔會令我地失望。食我地今日第６個甜品 真係唔錯，mascarpone打得好滑，帶有咖啡香 餅可以濕Ｄ就更好。本來只係諗住普通食個dinner，食物質素真係令我喜出望外。雖然店入面好細，但坐落都唔算逼，只係張枱細左Ｄ，野食黎哂唔係好夠位放。不過服務唔錯，留意到我地一食完就收走，所以都ＯＫ。值得再黎！
張貼
