赤城日式放題 (已結業)

上二，三個月食完，今次又係團購，仲要有九折，平左，可能星期日啦，大約7點都九成滿坐。。。講返食物，又係刺身行頭，上次八爪魚好雪雪地味，今次整體刺身就無呢個問題，但帶子刺身依舊細細粒，但放心，可以叫帶子壽司頂住，因為大大粒，幾好味，同時軟殼蟹手卷都仲係好好味。。。今次叫左d和食，和風肥牛，ginger雞柳等,味道一般，但太大碟了，好頂胃。。。其它串燒一品牛，豚肉等都不錯，所有炸物比上次無咁油，good, 至於燒壕就一般了，整體好味，但如果可以有雪糕或少少甜品，咁就完美了。。