更多
2014-07-20
3049 瀏覽
鐘意食茶餐。澳牛的名字久仰大名。星期日12點零到去到,諗住都應該有排排。不過因為1 個人去,排左唔夠10分鐘就可以入去先 侍應係好快手,隨時準備問您食咩。所以真係排隊時就好諗定食咩。我就諗好係叫茶餐,$33。 (其實食餐的話,十二點後都係得茶餐同快餐揀)基本上,您即刻叫完佢就即刻上架喇。叉燒意粉 + 火腿炒蛋多士ok 啦。唔知點解d 蛋有d 鹹,但我估平時唔係咁,咁o岩啦。意粉「林」左d,但都ok。多士夠厚,都ok。我覺得我期望太高,食落反而覺得冇咩特別。奶茶+燉奶(燉奶另外叫的,$26)。話說個餐既野飲佢唔會o係您食野時上,您食完先好叫。都對既,因為其實冇位擺 奶茶好滑好夠味。正。燉奶都好味呀,夠奶味夠滑夠甜,總結:一般啦。我覺得華星好食D。去筲箕灣我都會想去食。不過係快手既。但我都係覺得,如果係抱著「潮聖」心態去的話,建議唔好將澳牛「封聖」,最多封仙好喇 (笑)
星期日12點零到去到,諗住都應該有排排。
不過因為1 個人去,排左唔夠10分鐘就可以入去先
侍應係好快手,隨時準備問您食咩。
所以真係排隊時就好諗定食咩。
我就諗好係叫茶餐,$33。 (其實食餐的話,十二點後都係得茶餐同快餐揀)
基本上,您即刻叫完佢就即刻上架喇。 叉燒意粉 + 火腿炒蛋多士
ok 啦。唔知點解d 蛋有d 鹹,但我估平時唔係咁,咁o岩啦。
意粉「林」左d,但都ok。多士夠厚,都ok。
我覺得我期望太高,食落反而覺得冇咩特別。 奶茶+燉奶(燉奶另外叫的,$26)。
話說個餐既野飲佢唔會o係您食野時上,您食完先好叫。
都對既,因為其實冇位擺
奶茶好滑好夠味。正。
燉奶都好味呀,夠奶味夠滑夠甜,
總結:
一般啦。
我覺得華星好食D。去筲箕灣我都會想去食。
不過係快手既。
但我都係覺得,如果係抱著「潮聖」心態去的話,
建議唔好將澳牛「封聖」,最多封仙好喇 (笑)
題外話/補充資料:
(佢唔知點解收我63蚊... 收多左4蚊..... T__T)
(以上食評乃用戶個人意見 , 並不代表OpenRice之觀點。)
張貼