更多
2014-07-09
7148 瀏覽
因為父親大人生日，公主我要做下孝順女，所以特登上openrice睇下有咩好介紹～見到Bostonian竟然有半價set dinner coupon，於是拿拿聲打電話book位～book完問媽媽先知搞錯日子=_=於是又拿拿聲打去改早日子，好彩唔full，改得到！但我問如有人生日有咩送，個姐姐話「唔好意思，我地無。」其實你響個甜品碟上寫Happy Birthday或插支蠟燭有幾難呢？呢下扣咗啲分！ 到今日去食喇，一去到個環境真係好有情調（連影出嚟嘅相都好暗～）但原來無coupon都有半價？早講啦！先嚟麵包（個人覺得最好食係右邊嘅黑水欖麵包，好香黑水欖味又鬆軟 ）再嚟介紹下頭盤：精選生蠔或龍蝦帶子湯爸爸媽媽揀咗湯，我揀咗生蠔個龍蝦湯好濃，好有鮮味亦有好香嘅忌廉味，但又唔會互相搶味（連爸爸都話好）個生蠔係Fine de Claire，食第一隻時竟然有好重鐵銹味？但之後果幾隻就無喇，蠔味唔算濃但都算新鮮。不過因為海水味唔重而且感覺乾身，所以我懷疑係沖咗水同開定放咗響度。（扣啲分啦）然後主菜：鵝肝牛柳/西冷或烤雞我係牛柳要5成熟，但嚟到時半件係5成熟，半件係9成熟=_=而且portion細過爸
見到Bostonian竟然有半價set dinner coupon，於是拿拿聲打電話book位～
book完問媽媽先知搞錯日子=_=於是又拿拿聲打去改早日子，好彩唔full，改得到！
但我問如有人生日有咩送，個姐姐話「唔好意思，我地無。」
其實你響個甜品碟上寫Happy Birthday或插支蠟燭有幾難呢？呢下扣咗啲分！
到今日去食喇，一去到個環境真係好有情調（連影出嚟嘅相都好暗～）
但原來無coupon都有半價？早講啦！
先嚟麵包（個人覺得最好食係右邊嘅黑水欖麵包，好香黑水欖味又鬆軟 ）
再嚟介紹下頭盤：精選生蠔或龍蝦帶子湯
爸爸媽媽揀咗湯，我揀咗生蠔個龍蝦湯好濃，好有鮮味亦有好香嘅忌廉味，但又唔會互相搶味（連爸爸都話好）
個生蠔係Fine de Claire，食第一隻時竟然有好重鐵銹味？
但之後果幾隻就無喇，蠔味唔算濃但都算新鮮。
不過因為海水味唔重而且感覺乾身，所以我懷疑係沖咗水同開定放咗響度。（扣啲分啦）
然後主菜：鵝肝牛柳/西冷或烤雞
我係牛柳要5成熟，但嚟到時半件係5成熟，半件係9成熟=_=而且portion細過爸爸嘅西冷一半
雖然係咁，但佢件牛嘅炭香味好正～
而5成熟位置亦好冧同好juicy（但得半件係咁囉）
爸爸嘅西冷真係5成，亦有好香炭火味～
可是，説好了的野菌呢？
媽媽嘅烤雞亦係半件得，半件唔得
雞胸位有啲乾，雞皮亦冧～
但雞脾位好正，真正皮脆肉滑
免費任食嘅松露薯條只有好香芝士而無松露味
媽媽問侍應點樣任添薯條，其實問嚟多餘，因為一定食唔晒！
到最後甜品係心太軟伴雲喱拿雪糕
個心太軟嘅朱古力味好香濃，食得出佢個dark chocolate係靚料可惜嘅係上枱時已經唔熱唔流心，浪費咗咁好嘅朱古力！
不過個雪糕好正，望到又食得出新鮮雲喱拿籽嘅香味，可惜係細件咗啲
粒紅莓酸到爆，但爸爸媽媽都話好味
唔好問我隔離果碌棍係咩，完全食唔出係咩嚟！
總括而言，環境氣氛唔錯，如果隔離枱班呀嬋唔係咁嘈，真係幾有情調～
但！如無半價，唔係幾抵食（或者a la carte會好啲）
張貼
