更多
2014-07-07
3068 瀏覽
半年有多無嚟,餐牌換咗,價錢加咗成倍。問服務員攞兒童餐牌,佢答:「有。」但就碌木咁企喺度。我問:「咁攞俾我吖?」咁先識郁。點菜時,我話:「兩個兒童餐」,服務員:「只可以點一個兒童餐。」連唔好意思都無句。我點咗咖喱吉列豬扒飯,食物到後,食咗一啖,我同服務員講:「唔該同我換過嗰吖,超咸。」,服務員攞咗返廚房後同我講:「廚房話個咖喱係咁味。」我話:「咁你叫佢檢討下啲廚術,咸到苦都話係咁?同我取消佢,我唔要啦!」我個大女要咗親子丼,嚟到後亞女話:「啲蛋白完全生嘅!啲雞肉有啲韌。」草草食完,埋單算數,食物質素唔值呢個價錢,兩個丼加一個兒童餐,盛惠 $485。服務態度一毫子tips 都唔值。
張貼