更多
2014-07-07
1980 瀏覽
朋友是抹茶控，她在IG上見到朋友post相，便立即引誘我過黎試食。鑽石山對我地黎講有啲陌生，不過鋪頭位置勝在方便易搵 ，一出地鐵就係荷里活廣場。上到3樓轉左個圈就見到鋪頭。雖然我地係星期六下午茶時段大約3點倒到達，但大約等左20分鐘倒就有位。佢門口有個大大既餐牌，我同朋友研究左一陣食咩就入得去。環境就不過不失啦，冇咩特別，但都乾淨。燈光就較暗黃，但吾知佢係刻意定點，啲燈會時不時變暗。如果佢係突登設計成咁，只能說咪鬼多此一舉啦。飲品就叫左一杯白朱古力牛奶抹茶L $44Um.我就飲吾出有白朱古力味，純粹叫做牛奶抹茶算。甜品就叫左抹茶雪榚芭菲同黑密葛粉條。前者我就覺得普普通通啦，啲頂頂放左啲抹茶雪糕，但味道吾夠濃。後者抹茶味太苦啦，吾係咁岩我胃口 。飯方面我地就叫左滑蛋豬排丼，反而呢個幾好食，首先佢夠熱，豬排又吾會太林太硬。佢菜都吾少，因為佢有加啲醬汁，令到有啲酸酸甜甜既感覺。 不得不提佢果到既服務態度，首先鋪頭咁多人，但樓面得4個人，個個waiter都忙到死，我連係門口羅位都要等佢汁完張枱先有人比飛我。服務員一啲笑容都冇，木口木面，好似見多我一眼都吾想咁。我舉手想叫人羅隻碗姐，舉左勁
朋友是抹茶控，她在IG上見到朋友post相，便立即引誘我過黎試食。
鑽石山對我地黎講有啲陌生，不過鋪頭位置勝在方便易搵 ，一出地鐵就係荷里活廣場。上到3樓轉左個圈就見到鋪頭。
雖然我地係星期六下午茶時段大約3點倒到達，但大約等左20分鐘倒就有位。佢門口有個大大既餐牌，我同朋友研究左一陣食咩就入得去。
環境就不過不失啦，冇咩特別，但都乾淨。燈光就較暗黃，但吾知佢係刻意定點，啲燈會時不時變暗。如果佢係突登設計成咁，只能說咪鬼多此一舉啦。
飲品就叫左一杯白朱古力牛奶抹茶L $44
Um.我就飲吾出有白朱古力味，純粹叫做牛奶抹茶算。
甜品就叫左抹茶雪榚芭菲同黑密葛粉條。前者我就覺得普普通通啦，啲頂頂放左啲抹茶雪糕，但味道吾夠濃。後者抹茶味太苦啦，吾係咁岩我胃口 。
飯方面我地就叫左滑蛋豬排丼，反而呢個幾好食，首先佢夠熱，豬排又吾會太林太硬。佢菜都吾少，因為佢有加啲醬汁，令到有啲酸酸甜甜既感覺。
不得不提佢果到既服務態度，首先鋪頭咁多人，但樓面得4個人，個個waiter都忙到死，我連係門口羅位都要等佢汁完張枱先有人比飛我。服務員一啲笑容都冇，木口木面，好似見多我一眼都吾想咁。我舉手想叫人羅隻碗姐，舉左勁耐都冇人理我。
試問見到咁既服務態度，邊個會再幫襯？
總括就飯吸引過店舖特色抹茶，服務吾好。呢啲食過一次就夠了。
張貼
