老金煎餅 (已結業)

依間野都算係新野喇,好有新鮮感,今次就先揀左一份北京烤鴨煎餅,價錢都唔算過份既，起碼係即叫既做，睇落依到既店員手勢都真係非常之熟練去整依個餅,餡料當然有北京片皮鴨,之後仲有青瓜,,京蔥,薄脆同埋甜醬等,睇D料就覺得好好食,仲有得一路望住佢整,煎好出黎原來非常之大份，仲要好厚,佢個味有少少似北京填鴨卷咁，不過感覺上就香口好多多，最正就係有少少辣味,而且唔算太肥膩，一個人食就比較多少少好彩同朋友SHARE,當正餐都真係得,另外就叫多個棒棒雞煎餅,依個都好足料有雞絲、雞蛋、青瓜、芝麻醬、黑芝麻、薄脆等等,不過佢個芝麻醬味道係比較清淡，依個就無頭先個咁惹味，相比之下頭先個個比較好食少少,可能因為食左個濃味既先,可以落得再重手少少,咁就更加香。