大吉居酒屋 (已結業)

依到既環境都算係幾光猛同埋舒服，朋友原來一早就訂位，不過都要等左先可以坐底，都算好多客人，大家都好快就揀好自己想食咩,順帶一提就係依到既野食賣相都真係唔錯既先黎係依個刺身拼盆，全部都算幾新鮮同埋都好味，首先佢個三文魚夠哂鲜甜，最緊要係無筋，另外個墨魚片都唔錯,唔太韌，之後就係我比較唔好既喜靈魚，不過朋友就好鍾意,話佢鹽味好夠好好味，我食落都覺得佢既質感唔錯既。之後係螺片，正正常常無咩特別,但都唔錯既。火焰壽司都非常好味，佢個燒牛肉片值得推介,食落有少少生，又幾香牛肉味，之後就叫左D燒物，羊架個肉質非常鬆軟，不過就無咩羊肉既羶味，都算好,不過我鍾意有少少,調味方味就有少少好濃既黑椒，食落真係十分惹味。