必勝客 (已結業)

今次黎到pizza hut既時間咁岩撞正LUNCH,門口當然有好多人係到等位,雖然好多中學生,不過都好快就有位,入到去個環境都算大,仲發現到有D空位,而依到既學生餐有2款,有個就可以揀款意粉同飯之中揀一個,當然包一杯汽水.而另一款就可以係4款意粉同飯,仲有批之中揀一個,依個就包埋汽水同蒜蓉包,湯,價錢係非常之平,而吞拿魚煙肉腸長通粉,份量岩岩好,茄味都算幾濃,長通粉比較軟身,我自己都幾鍾意,吞拿魚碎都算唔多多,但都算分佈得幾好,煙肉腸都算唔少,味道幾好,唔會話太咸食落又唔膩,價錢低但質數高,之後牧場精選迷你必勝批,可加錢轉做芝心批,當然我地只係要普通,厚批軟身幾好,批底夠哂脆口,不過就比較油膩度.餡料有粟米,蘑菇,牛肉同雞肉,純芝士既口味,我好鍾意,整體黎講都算幾好既,因為價錢真係平而且有番咁上下質素。