更多
2014-06-29
11311 瀏覽
小弟第1次寫食評,如果打到1999,敬請見諒!早前諗住同一班朋友聚會係到煩惱緊食咩好,突然有個朋友提議不如去佐敦食燒肉放題,食放題當然好啦,又平,又多野食,最重要係成班男人唔洗就住就住食!當日去到因為個FD一早訂左位,所以唔洗等餐蒙就入得去!坐落左之後當然唔留手地點野食啦,不過介於我地成班人都好咀刁嘅關係,樣樣都點D試下先!D野都出得幾快,點完之後一陣就到,本人最怕話就話比你食2個鐘,等野食都等左你半個鐘!先嚟嘅係壽司,(相片比較模糊,真係唔好意思)三文魚有油光,油金魚血位都好鮮,睇落都好新鮮,花之戀食落去好full,嚟個值得一讚!之後就到刺身,刺身款式幾多,睇落有光澤,最抵讚嘅D蝦"MEET"埋殼,唔洗自己"MEET"又要"盛",之前食D放題要自己"MEET"蝦,鬼死咁麻煩,嚟真係抵讚!接住嚟就係D燒肉,帶子都幾新鮮,加埋D香草,牛油帶番起個味,真係幾正!牛肉食落去冇乜根,重有牛肉味,唔似某D燒肉店D肉用鬆肉粉整到D肉鬆哂,食落去冇牛味又冇肉味,食左D咩肉都唔知道,睇嚟間燒肉店用D貨應該唔差!不過我自己食牛肉唔鍾意有汁,我鍾意原汁原味,加些少鹽吊一吊個味就夠,如果可以走汁就非常之好啦
早前諗住同一班朋友聚會係到煩惱緊食咩好,
突然有個朋友提議不如去佐敦食燒肉放題,
食放題當然好啦,又平,又多野食,最重要係成班男人唔洗就住就住食!
當日去到因為個FD一早訂左位,所以唔洗等餐蒙就入得去!
坐落左之後當然唔留手地點野食啦,不過介於我地成班人都好咀刁嘅關係,樣樣都點D試下先!
D野都出得幾快,點完之後一陣就到,本人最怕話就話比你食2個鐘,等野食都等左你半個鐘!
先嚟嘅係壽司,(相片比較模糊,真係唔好意思)
三文魚有油光,油金魚血位都好鮮,睇落都好新鮮,花之戀食落去好full,嚟個值得一讚!
之後就到刺身,
刺身款式幾多,睇落有光澤,最抵讚嘅D蝦"MEET"埋殼,唔洗自己"MEET"又要"盛",之前食D放題要自己"MEET"蝦,鬼死咁麻煩,嚟真係抵讚!
接住嚟就係D燒肉,
帶子都幾新鮮,加埋D香草,牛油帶番起個味,真係幾正!牛肉食落去冇乜根,重有牛肉味,唔似某D燒肉店D肉用鬆肉粉整到D肉鬆哂,食落去冇牛味又冇肉味,食左D咩肉都唔知道,睇嚟間燒肉店用D貨應該唔差!
不過我自己食牛肉唔鍾意有汁,我鍾意原汁原味,加些少鹽吊一吊個味就夠,
如果可以走汁就非常之好啦!
佢仲有其他好野食,不過因為個個好似餓狼咁開餐,我都唔同佢客氣,所以冇繼續影落去!
埋單個時,有個男人行過嚟同我地問D野點服務如何呀,當D顧客好似朋友咁,都幾親切,
同個男人吹多2句,先知佢係老細,仲話如果我地咁多人呢,可以預早小小BOOK Party房,
唔洗同其他人逼埋一齊,坐得舒服D!
總概嚟講D野食幾好食,以200蚊嚟講算係中上級數,服務態度幾好,唔會因為太忙而冷待客人!
張貼
