更多
2014-06-28
4300 瀏覽
期待以久既一餐,好等我一嚐傳說中既冰滴咖啡!!!是關我好中意飲咖啡 ,所以今次揀左呢間餐廳試一試!!一早10點中就到,所以都唔駛等位.但奇怪就係,一入去就有個員工同我地講英文 ,但佢係亞洲人樣的!佢問左我地一句之後,結果都係我地自己行入去坐低,一早10點幾,都已經有好幾台客人...一般見識既我,出奇地見到有幾位客人台上都有隻紅酒杯,令我更奇怪咁諗,外國人咁早就飲酒?? 原來唔係....後來先知呢杯似紅酒非紅酒既野就係冰滴咖啡!! 真係一大鄉里...坐低左,好快有侍應埋黎問要點d咩,佢地都仲係用英文同我地講野,我地都堅持用中文...我地諗左好耐先諗到叫d咩食咩飲,佢地起我地諗既其間,行左埋黎幾次,搞到我地好似有d唔太relax...一心諗住黎hea下, 點知好似有d迫我地既感覺!!最後我地選擇左以下食物:冰滴咖啡,侍應建議未飲過,飲d淡小小,易入口d既..因為唔識,所以相信, 入口都唔錯,好香,好清,唔算好苦,下次有機會再試就飲高一級...一共埋單咁就$600幾蚊...下次都唔會再黎,佢D服務令我好唔滿意macchiato, 層次都仲keep 到..好香叫左個雞肉沙律,無咩特別,都係
一早10點中就到,所以都唔駛等位.但奇怪就係,一入去就有個員工同我地講英文 ,但佢係亞洲人樣的!
佢問左我地一句之後,結果都係我地自己行入去坐低,一早10點幾,都已經有好幾台客人...一般見識既我,出奇地見到有幾位客人台上都有隻紅酒杯,令我更奇怪咁諗,外國人咁早就飲酒??
原來唔係....後來先知呢杯似紅酒非紅酒既野就係冰滴咖啡!! 真係一大鄉里...
坐低左,好快有侍應埋黎問要點d咩,佢地都仲係用英文同我地講野,我地都堅持用中文...
我地諗左好耐先諗到叫d咩食咩飲,佢地起我地諗既其間,行左埋黎幾次,搞到我地好似有d唔太relax...
一心諗住黎hea下, 點知好似有d迫我地既感覺!!
最後我地選擇左以下食物:
冰滴咖啡,侍應建議未飲過,飲d淡小小,易入口d既..因為唔識,所以相信, 入口都唔錯,好香,好清,唔算好苦,下次有機會再試就飲高一級...一共埋單咁就$600幾蚊...下次都唔會再黎,佢D服務令我好唔滿意
macchiato, 層次都仲keep 到..好香
叫左個雞肉沙律,無咩特別,都係同一般沙律無咩分別
餐牌上寫住叫BREAKFAST TOWER ,我地想像中佢好勁咁, 但點知原來係咁樣,都幾得SUPRISE..裡面條腸好長,好好味,唔係好咸,又唔硬...
盲曹魚意粉,味道OK的,但係凍凍地,意粉好UN,有D好似唔夠熟咁..
呢個薯條好好正,有3個醬,一個蜜糖介末,一個甜酸醬,仲有一個好似係CREAM 咁既...但3個都好味既...真係唔錯...
題外話/補充資料：
整體黎講食物都OK 既...
咖啡就真係好好!!!
但服務態度就真係好差,因為係咪我地唔係外國人,又唔係講普通話,又唔係講英文,所以得到D 咁既待遇??
(以上食評乃用戶個人意見 , 並不代表OpenRice之觀點。)
張貼
