更多
2014-06-26
15495 瀏覽
是日生日,同先生去慶祝。同事推介,真係好好!1.)海鮮冷盤種類多,有蟹腳,花蟹,麵包蟹,凍蝦,小龍蝦,鮮味彈牙。煙三文魚味道值得一讚!不過如果各位中意食生蠔,可能會有少少失望,因爲無生蠔供應。先生同我都唔食生蠔,所以海鮮吧已令我好滿足。 2)熱盤菜式都幾好,例如西班牙炒飯超多海鮮,海南雞飯嘅飯有好香嘅香茅同姜味。羊架好嫩,送一只小鮑魚同鵝肝,鮑魚入味,鵝肝可以再煎燶少少。 3)甜品好正!尤其係斑斕pancake!即場製作嘅熱斑斕pancake皮包住凍嘅cream,又香又滑,絕對係驚喜。另外有一款日式綠茶菓子,雪白菓子皮好煙韌,包住清新綠茶陷,陷裏面仲有脆脆朱古力豆,兩種唔同口感,好有心思! 我本身唔好甜食,但哩度嘅甜品非常有水準,令我想有第二個胃(可惜無)。 4)服務態度十分好,有效率又有禮貌,食物補充快。生日仲有半磅蛋糕拎走
張貼