更多
2014-06-24
840 瀏覽
對呢間甜品鋪最好o既形容就系金玉其外,敗髓其中。相信好多人都會比呢間甜品鋪o既裝修同甜品賣相呃到,我同朋友都系抱住嘗試o既心態去食佢,誠然,佢個得獎作品紫葡之戀系整得幾靚,可惜佢系一件藝術品,吾系甜品,如果我同大家講全個甜品最好食o既系個糯米糍(應該系維記個D),大家都應該知道佢有幾好味。佢頂上面個D巨峰水晶狀o既野好似發泡膠咁,乾身,無味,最厲害系連D刨冰都有D乾身,好明顯系一個個整定晒之後放左入雪櫃,D水份被抽乾左先會咁,就算下面有鍊奶同其他汁都補吾返,希望佢地吾好本末倒置,先攪好味道,之後先再唸個設計啦。吾系就算整到幾靚D妹妹仔都只會影張相賣賣萌就吾再幫襯。
張貼