馬德里餐廳 (已結業)

今日約左寶貝喺呢頭傾下心事 ~喺女人街附近唔係咁識搵食~ 重點係想坐得舒服D.本身諗住去嗲嗲王眼尾發覺開左間新舖,所以過去望下~睇落D出品唔錯,所以一於一試上到去,成間餐廳分左兩邊,我地被安排去右手邊位置的廚房出入口位~噢~NO..,由於目測唔到有其他更適合位置,所以只好坐在原位一路睇餐牌,一路聽到pinpin pang pang 聲,好嘈~加埋D客人熱鬧的談話聲~我同寶貝都傾唔到乜野計...下午茶時段分別有下午茶菜餐同午餐可選擇,冇圖睇只有字~咁我地隨心水點餐~寶貝點左個豬頸肉叻沙我點左個牛柳意大利飯餐,跟餐湯豬頸肉叻沙 - 叻沙唔會特別香濃,整體感覺就好似街邊車仔面的出品~一般貨色,冇乜特別,做到了基本!!牛柳意大利飯餐 - 平時好少食飯的我,突然對佢的意大利食好有興趣,但一上枱我就明白我真係諗多左~ 食得出飯的確係用湯去煨成,但係並唔係原先的牛柳汁, 牛柳好薄片~份量亦少..餐湯連一條餅乾條 - 餅乾條用專用的杯裝上,睇得出杯子係長期冇洗~好多餅乾粹~意大利菜湯,好清啖,飲落就知係加水無限次~!總括黎講..這個價錢的話,先放下自己的要求及幻想..真心希望佢地他日可以有所進步