八月花 (已搬遷) 新店位置

今日約左朋友黎依到食飯,今晚主要想食都係依個101鮮果拿破崙,所以一齊叫野個陣都就住就住,大家都怕等陣飽哂食唔到佢。首先就叫左依個脆皮BB豬，依個都真係幾好食嫁,佢豬皮夠哂香脆又夠鬆化，之後佢肉質都幾正,有少少肉汁,中間有少少油脂係到,但入口真係一D都唔不油膩,食落無咁有罪惡感, 之後係一迷你桶仔飯,因為多人既關係就叫左兩份黎試下,佢係用個桶仔裝著，一黎到就已經聞到好香既味道，而且佢個飯粒粒都分明,粒粒有D醬汁係面，好正,仲有D元貝絲同肉絲，食落去非常好味,食到咁上下,就要叫我地最想食個101鮮果拿破崙,黎到真係嚇親我,每層都有唔同生果同埋少少吉士，仲有少少麥芽脆糖，最特別既有係佢龍鬚糖,不過食起上黎真係有少少麻煩,因為佢真係太鬆脆喇,一切就好似會散哂咁,所以就唯有小心D咁食,佢依個酥皮做得好香脆鬆化,而且個生果夠哂鮮甜，吉士又夠哂滑,最緊要係唔會太甜。