宮崎日式燒肉店 (已結業)

約左同班舊同學聚會，同學指定要試一試宮崎,就訂了位，大家都好準時7：30到達,不用等就有侍應帶我們就坐。其實本人都係第一次食宮崎，感覺還可以。   首先每人都會送隻大蝦，蝦肉非常爽口彈牙，又夠大隻，一個字，正。   然後order左一d食物都跟住送到。刺身同壽司質素一般，但都可以接受。   之後大家轉攻牛肉同海鮮，蔥醬牛胸腹是水準之作，厚薄適中，非常爽脆。牛仔骨燒完好香，入口嫩滑，而且肉汁仲保留得住，很好吃。   海鮮方面，第一時間即試我最愛的扇貝，加片牛油一齊燒，燒出來真是特別香。魚類同青口都還可以。   到豬肉，厚厚豬頸肉燒完都很爽脆。第二最愛的五花肉都沒有令我失望，肥肉和瘦肉分佈均勻，很好食。   至於蔬菜，選擇都算多。有粟米，九菜，茄子等等。豐富的晚餐，大家都食得津津有味。價錢ok，可以接受，一定會再試。