更多
2014-06-17
14219 瀏覽
又黎到啦 終於食到想食好耐嘅tea set 不過真係要講運氣嫁 因為係no booking in advance & always full!!! 遲左少少兩點九先黎到 點知已經無晒位 諗左陣去第二度好定等next round好 最終都係想試 決定去行陣街再博下 三點半左右再上去終於有位啦但得番in door Woolaalaa Tea set黎到啦 比想象中細份 (d圖影到好巨型) 因為有好多款都係得一件由鹹點開始食 款款都好吸引吖都唔知食邊款先好 米通好脆好香口 加埋炒到香香嘅雜菇中和番 感覺上無咁熱氣滑蛋toast 蛋夠滑加埋片truffle真係好香 牛肉Burger like爆!!! 牛肉厚身但唔un! 個牛肉sauce真係無得彈!甜甜地好香好juicy另一款burger都幾特別 墨汁包味道幾新鮮 中間係啖啖蟹肉 good 不過個人鐘意牛肉果個多d 真係回味無窮! 甜點賣相唔錯 不過份量較少 不嬲係甜品怪嘅我有d意尤未盡 對住甜品第567個胃都可以出埋黎值得讚賞嘅係呢到嘅甜品唔會太甜 食過咁多tea最唔甜嘅一間 唔會好漏 適合所有鐘意同唔鐘意甜嘅朋友但係對我黎講呢度嘅甜點就唔太
又黎到啦 終於食到想食好耐嘅tea set 不過真係要講運氣嫁 因為係no booking in advance & always full!!! 遲左少少兩點九先黎到 點知已經無晒位 諗左陣去第二度好定等next round好 最終都係想試 決定去行陣街再博下 三點半左右再上去終於有位啦但得番in door
Woolaalaa Tea set黎到啦 比想象中細份 (d圖影到好巨型) 因為有好多款都係得一件
由鹹點開始食 款款都好吸引吖都唔知食邊款先好
米通好脆好香口 加埋炒到香香嘅雜菇中和番 感覺上無咁熱氣
滑蛋toast 蛋夠滑加埋片truffle真係好香
牛肉Burger like爆!!! 牛肉厚身但唔un! 個牛肉sauce真係無得彈!甜甜地好香好juicy
另一款burger都幾特別 墨汁包味道幾新鮮 中間係啖啖蟹肉 good 不過個人鐘意牛肉果個多d 真係回味無窮!
甜點賣相唔錯 不過份量較少 不嬲係甜品怪嘅我有d意尤未盡 對住甜品第567個胃都可以出埋黎
值得讚賞嘅係呢到嘅甜品唔會太甜 食過咁多tea最唔甜嘅一間 唔會好漏 適合所有鐘意同唔鐘意甜嘅朋友
但係對我黎講呢度嘅甜點就唔太吸引我啦
crunch cake唔夠美心的濕潤
carrot cake 比較鐘意食厚身較實果種嘅質感 同埋少左杏仁粉係入面就唔係完整嘅carrot cake la😔
Chocolate cake食得出真才實料 但説不上十分好味
蛋卷條如果夠脆應該會好好味好鬆化
Mont blac蛋白低太淋唔夠企 不過味道尚算okay 係咁多件中最甜嘅一樣
鹹點實在太出色 款色特別 令tea set係一眾afternoon tea中pop out! 加上清閒高級嘅環境同氣氛 實在為此餐畫龍點晴 係相約知己談心catch up 嘅好地方 當然價錢亦比同行貴 不過間中食餐咁寫意嘅tea都係值得嘅
總括黎講sevva嘅afternoon tea係食過咁多間排前三甲嘅tea
食到6點幾真係要為tea set平反下 有大胃王之稱嘅我都飽到郁唔到 正常女仔黎講 三個人share就啱啱好 提醒減肥中嘅眉眉切忌相信自己眼晴 當美食當前嘅時候 慾念就會矇閉雙眼 將眼前嘅食物變得好少
張貼