響葫蘆 燒物 . 居酒屋 (已結業)

半年前試過，現再重來，服務態度比以前仲好，食物多了各款套餐，今次我擇了一個2人餐，有刺身、天婦羅、海膽飯、清酒、甜品、仲有店的招牌菜等等，呢個餐有成11種食物，可以2個人就試到好多野食。刺身好新鮮好鮮甜，天婦羅也炸得很脆，又脆又新鮮，成個餐我最鍾意食香橙焗銀雪魚(是店的招牌菜)，好味到唔識講，魚夠滑，味道酸中帶甜，甜中帶酸很開胃，成個餐真係值得一試，三百幾蚊有刺身，有天婦羅，仲有燒酒，真係值本票價。