金牌小龍 (已結業)

今日同事講起話想食上海野，我腦立刻諗返起之前食過一次超好味既大閘蟹小龍包，所以就提出要食呢間，哈哈哈哈！我地一行四人入到黎坐底，揀左一個套餐加一堆散叫。套餐有一個紅燒牛肉麵，鍋貼同小食。另外我地叫左蒜蓉油墨菜，薑汁芥蘭，滷水雞翼，水晶蛋，醉雞，金牌小龍包同菜肉雲吞。首先黎既係套餐，紅燒牛肉麵幾好，湯夠濃味，麵質okay。鍋貼都okay，只係得4隻，好似有啲份量唔夠咁，最後就係個最過份既小食，上枱既時候我都不禁問左一句，做咩咁似隔離枱食淨拎過黎既？出奇在，佢答我地呢個份量係咁。好彩佢都叫有啲禮貌咁答，唔係真係嬲呀！之後就到我地散叫既菜肉雲吞，清清地，雖然個樣有少少似出面現成買個啲急凍雲吞，但佢既味道幾好。滷水雞翼好入味，都唔錯。水晶蛋個樣好靚，但黎到既時時候好似倒瀉晒咁，唔開心囉。之後仲有醉雞周2個菜，醉雞好nice，冇乜骨，好酒！另外2個菜都炒得幾好，勝在夠爽脆~ 最後一提小龍包，事關我地掛住食，都唔記得左影相，但相比起之前個個大閘蟹小龍包，差好遠