榮式燒雞扒 (已結業)

今次係點左個雞扒撈檬同凍檸水外賣。事源屋企人落開北角食榮式， 順便買個外賣番黎。不嬲都覺得榮式既雞扒好食，以為佢外賣應該都唔會出事。首先本身屋企人係堂食要叫份外賣，場入面既WAITER 就話外賣唔關佢事，外賣要出番去落單。好當係你地舖頭規矩，都出番去收銀落單。問左好多次雞扒撈檬係咪可以外賣，因為無個汁好難食，都答可以外賣。結果屋企人拎到番屋企發現佢無比檬粉汁，亦無話可以係餐廳都落埋先走。筷子湯匙執左兩份。凍檸水無長匙羹可以篤檸檬都算，吸管都無。食咁多外賣都係第一次遇到有餐廳係咁做野。一次外賣經驗就只覺得堂食職員推卸責任，收銀有錢收有生意做就乜都得，包外賣戈個就求其搞執你要既野比你就算。以後就算食都堂食算數，外賣認真中伏了。完全食唔落乾曾曾既檬粉，唯一食得既係塊雞扒。BTW 雞扒真係唔錯的，怪就怪樓面做野撈搞啦。