更多
2014-05-11
2075 瀏覽
農曆新年之前o既一個星期日,去左馬灣半日遊,印象中都有10年冇去過呢個地方,今次最主要想行下馬灣公園,當日中午先o係青衣搭巴士到珀麗灣,假日o既廣場有幾十隻狗仔,非常熱鬧! 黎馬灣之前都有上網睇過島上有乜野餐廳,見到桃源麵館評分唔錯,價錢亦都大眾化,到達珀麗灣後,特別去睇下呢間位於廣場o既餐廳,有諗過參觀完馬灣公園後黎食下午茶 花左大約15分鐘先見到馬灣公園入口,七幅彩虹牆壁畫從左右兩邊睇到唔同圖案,公園部份電力黎自再生能源,好似太陽能及水力發電公園內意中園係適合影婚紗相地方,可租用作婚禮場地或小型酒會,睇完彩虹瀑布,就行到上山頂睇青馬大橋,好多人午飯後黎公園參觀遊覽完馬灣公園,去馬灣大街睇下一間有點心o既食肆,聽講呢間心意海鮮酒家有鵪鶉蛋燒賣 ,呢款點心已經好多酒樓都冇,點知侍應話過左 4pm 冇得飲茶 去到海旁望過對面岸深井景色,海旁一帶經過填海後,同大約10年前第一次黎馬灣時候好唔同,最後都係行返去碼頭o個邊珀麗灣廣場桃源麵館就咁聽桃源麵館呢個名,會覺得係一間台式餐廳,佢地除左供應台式鹵肉飯,拉麵及鹽酥雞呢o的台式食品,估唔到西餐都做得唔錯 當日黎到桃源麵館都差不多5p
黎馬灣之前都有上網睇過島上有乜野餐廳,見到桃源麵館評分唔錯,價錢亦都大眾化,到達珀麗灣後,特別去睇下呢間位於廣場o既餐廳,有諗過參觀完馬灣公園後黎食下午茶
花左大約15分鐘先見到馬灣公園入口,七幅彩虹牆壁畫從左右兩邊睇到唔同圖案,公園部份電力黎自再生能源,好似太陽能及水力發電
公園內意中園係適合影婚紗相地方,可租用作婚禮場地或小型酒會,睇完彩虹瀑布,就行到上山頂睇青馬大橋,好多人午飯後黎公園參觀
遊覽完馬灣公園,去馬灣大街睇下一間有點心o既食肆,聽講呢間心意海鮮酒家有鵪鶉蛋燒賣 ,呢款點心已經好多酒樓都冇,點知侍應話過左 4pm 冇得飲茶
去到海旁望過對面岸深井景色,海旁一帶經過填海後,同大約10年前第一次黎馬灣時候好唔同,最後都係行返去碼頭o個邊珀麗灣廣場桃源麵館就咁聽桃源麵館呢個名,會覺得係一間台式餐廳,佢地除左供應台式鹵肉飯,拉麵及鹽酥雞呢o的台式食品,估唔到西餐都做得唔錯
當日黎到桃源麵館都差不多5pm,雖然仲有價錢較低o既下午茶餐供應,不過睇過餐牌後,我選左一款西式午餐,佢地午餐係供應到5:30pm,要左白汁提子龍脷柳,可選擇要飯或意粉,附送餐湯,餐飲附送柑桔檸檬或荔枝紅茶,就算要凍飲都唔洗加錢,不過想轉飲其他類型飲品就要至少加$4,我選左意粉及凍柑桔檸檬等候期間店員奉上一杯免費茶,有少少茉莉花香味,並唔係一般茶餐廳免費俾人飲o個o的味道
或者下午茶時段差不多完結,又未到晚餐時間,唔洗幾分鐘就先送黎餐湯及飲品
原來餐湯係中式西洋菜湯 ,若果配西餐係幾特別,不過都明白餐廳唔想分別煲中湯及西湯兩款,所以先俾中式湯我飲,呢碗湯味道一般
至於凍柑桔檸檬係比較甜,可能餐廳認為柑桔檸檬及荔枝紅茶係招牌飲品,已經預早沖好,所以唔需要加錢 ,反而轉飲一般咖啡奶茶要俾多$4
過多大約5分鐘,白汁提子龍脷柳意粉就送黎,意粉食落有淡淡芝士味,我諗係同芝士煮過,龍脷柳煎到金黃色,面頭淋上白汁,再灑上香草,都算落左幾多椰菜,有十幾粒提子乾及一片紅蘿蔔 呢碟白汁提子龍脷柳意粉o既賣相真係幾靚 ,若果係市區餐廳可以至少賣七,八十蚊一碟都得,仲可能唔好食添,餸菜落左提子乾幾特別,另外好少見到一片紅蘿蔔係咁厚切,而家賣四十幾蚊一個餐真係幾抵
餐廳雖然唔算大,不過環境舒適,又有電視睇,店員服務雖然一般,不過佢地唔收加一服務費,算係比較難得,因為附近好多餐廳都要收服務費
呢間桃源麵館o的食物真係幾好食,賣相又相當唔錯,以呢個價錢黎講係物超所值 始終珀麗灣廣場o既餐廳主要食客係珀麗灣居民,睇過晚餐餐牌有家常小菜,估唔到有蒸魚配白飯食,大約賣五,六十蚊,算係比較少餐廳肯做o既小菜,另外佢地又提供精緻西式晚餐,日後有機會再黎馬灣,都會考慮黎試下其他食品
珀麗灣近碼頭一帶有幾多細餐廳,有港式,日式,三文治,又有小型酒吧,價錢會比較平民化,至於近珀麗灣沙灘商場o個邊餐廳係屬於遊客區,部份餐廳座位又睇到青馬大橋醉人景色,自然要較高消費
馬灣係一個悠閒o既地方,大家就算唔係去挪亞方舟,都值得黎青馬大橋旁邊沙灘漫步, 行下馬灣公園,睇下風景及影相
最後本人睇埋入夜後青馬大橋及挪亞方舟夜景先搭車離開馬灣,結束島上半日遊
張貼
