千両 (已結業)

好耐好耐未食過壽司喇,之前成日食可能食到有D悶,依家有突然好想食,就叫埋屋企人一齊去食,就約左7點鐘去,打定去廢事要等位,一去到就即刻有位,真係最開心,屋企人就即刻睇MENU,睇黎幾肚餓,今餐決定係我請。對上一次同屋企人食飯已經好耐,都係食壽司,今次叫左前菜,係一個香草海鮮剌身沙律, 有唔同種類既刺身, 加埋火箭菜和同小小蝦乾, 淋埋少少沙律汁做調味,唔錯,魚生又夠鮮甜, 夾埋菜的鮮味,簡直好味道。又有唔同口感,真係好食既前菜。之後就叫左好多壽司,其中玉子壽司係比較突出，玉子仲有少少暖，玉子又夠香甜，又夠大件,正,三文魚就非常新鮮,唔錯,之後就有帶子,同貝味壽司,依個就唔夠三文魚好食,不過所有野都勝在夠新鮮。