三木韓國料理

今日朋友介紹黎依到,人唔算多唔洗點等位。二人都一個四人卡位，好舒服。環境都幾大，依間八成都係四人卡位。好光猛乾淨，抽風明顯都做得好。朋友無理到我已經叫左菜，咁我就可以等食,八小碟前菜好快已經到左, 朋友唔鍾意食魚仔我就最鍾意。八小碟陣睇到就開心，味道都唔錯，不過泡菜差少少辣，不過都好味既。之後就係豬腩片同八爪魚，仲有生菜及麵醬。另外仲有一個泡菜煎餅。朋友同我都想飲酒，所以叫左真露。豬腩片同八爪魚都好快到，豬腩片切得工整非常靚，片片都好粉，睇落去就非常之好味﹗八爪魚浸係醬汁上，不過分量都幾多。燒好既豬腩片，加埋麵醬同生菜同吃，爽身但唔油膩，好味道﹗八爪魚好味，其實醬料幾香幾惹味，而且肉質新鮮不靱，唔錯呢﹗泡菜煎餅都好快就到。煎得岩岩好，而且不太油膩。不過泡菜味道都唔錯,不過熱辣辣，好快就清左佢喇。