更多
2014-04-13
3830 瀏覽
上個禮拜約咗幾個舊同事出嚟聚舊，就近近地揀咗我公司附近嘅荷里活廣場食飯。其實一直都心癢癢想試《抹茶館》，因為見到佢 D 甜品好吸引，而且我本身幾鍾意綠茶／抹茶味，唔試過都唔安樂。打開餐牌，見佢飲品種類幾多，但好可惜非大部份都係牛奶抹茶類，對於好似我依類唔飲得牛奶嘅人，真係好無奈。於是我問服務員，可唔可以將牛奶轉豆奶，點知佢話唔得，認真失望！惟有叫杯「雪糕綠茶」，雪糕又細舊，抹茶味未至於淡，但濃返少少會好D～食物方面，都幾啱女士口味，而男同事則覺得唔多嘢揀！我就揀左人氣之選嘅「卡邦尼溫泉蛋烏冬」，而S 小姐就揀咗「吞拿魚三文魚親子刺身丼」。一般食卡邦尼意粉，醬汁係偏為濃杰，依個烏冬就好稀，搞到食落去有少少怪。S小姐個飯睇落唔錯，D三文魚都算新鮮～食飽當然到甜品時間喇！ 我哋分別叫咗「抹茶軟心朱古力芭菲」、「士多啤梨白玉紅豆芭菲」、「朱古力香蕉抹茶吉士銅鑼燒」、「抹茶軟雪糕白至餡蜜」D軟雪糕唔夠凍，嚟到已經溶溶地。而個軟心朱古力甜到cher 喉，最底嗰層好似係蒟蒻，就算有D抹茶汁，都完全無味！其他甜品，好睇唔算好食～ 試過一次已經夠！【總括食評】味道：好一般，抹搽味唔夠抹搽，完全嘥左「抹茶
打開餐牌，見佢飲品種類幾多，但好可惜非大部份都係牛奶抹茶類，對於好似我依類唔飲得牛奶嘅人，真係好無奈。於是我問服務員，可唔可以將牛奶轉豆奶，點知佢話唔得，認真失望！
惟有叫杯「雪糕綠茶」，雪糕又細舊，抹茶味未至於淡，但濃返少少會好D～
食物方面，都幾啱女士口味，而男同事則覺得唔多嘢揀！
我就揀左人氣之選嘅「卡邦尼溫泉蛋烏冬」，而S 小姐就揀咗「吞拿魚三文魚親子刺身丼」。一般食卡邦尼意粉，醬汁係偏為濃杰，依個烏冬就好稀，搞到食落去有少少怪。
S小姐個飯睇落唔錯，D三文魚都算新鮮～
食飽當然到甜品時間喇！ 我哋分別叫咗「抹茶軟心朱古力芭菲」、「士多啤梨白玉紅豆芭菲」、「朱古力香蕉抹茶吉士銅鑼燒」、「抹茶軟雪糕白至餡蜜」D軟雪糕唔夠凍，嚟到已經溶溶地。而個軟心朱古力甜到cher 喉，最底嗰層好似係蒟蒻，就算有D抹茶汁，都完全無味！
其他甜品，好睇唔算好食～ 試過一次已經夠！
【總括食評】味道：好一般，抹搽味唔夠抹搽，完全嘥左「抹茶」主題
環境：裝修OK，有卡位坐，算係舒服
服務：店員反應慢，人手又唔夠
衛生：OK
抵食：麻麻地⋯⋯價錢唔係貴，但相比食物質素，我會覺得唔值
張貼
