赤丸製麵所 (已結業)

從前最愛赤丸的烏冬，當年係apm 經常食，但後來apm赤丸結業後就好少去其他分店了。當年記得湯烏冬/ 凍烏冬係10蚊一碗，天婦羅茄子5蚊兩件。可想而知有幾耐冇去過喇!今日係青衣偶遇，簡直有種撞到老朋友既感覺，一定要入去話當年啦!打開餐牌，湯烏冬已經24蚊一碗，天婦羅茄子15蚊兩件，證明時間真係過得好快好快!天氣有少少熱，就叫左個中華稻庭風凍烏冬!配菜正常屬好食既水準，蝦新鮮炸起，粉薄蝦爽，其他蟹柳腐皮都係交番黎, 冇咩特別，唔會出事既味道。最重要係個烏冬，以前係apm 真係見d日本人手打烏冬，一條條"猜"出黎，今日見唔到呢個畫面，不過d烏冬同以前一樣都係咁煙韌幼滑!!!!!!!!!!!非常令人感動的一個烏冬質感!以前的凍烏冬係配昆布汁，依家就配芝麻醬，兩樣都好味，味道非常配合凍烏冬!如果港島有赤丸的話，一定會係我飯堂...