鼎泰豐

營業中

休息中

無食過「鼎泰豐」，今日決定去試試，六點都未夠，鼎泰豐門口已經企左四五十人係到等籌入去食野，依間名店都算利害。好彩我地係等一張二人枱，只係要八個輪號碼左右，不過等左差唔多半個鐘先可以入座。兩個人坐埋一邊,有隔著落地玻璃，望著商場既靚位置，雖然幾乎每個人都會行過，但環境都滿意,好舒服。我叫左店中馳名既小籠包、雪菜毛豆百頁和主食紅燒牛肉湯麵。三道菜水準都幾高,可以講係出色，鎮店小籠包外皮夠薄夠靚，湯汁同埋肉餡都係好有鮮味既，可能遲左少少食，如果湯夠熱就更好。雪菜毛豆百頁味道岩岩好，有好好多毛豆，所以變左個百頁就顯得不夠，喜歡食百頁的話應該會唔太高興。不過我覺得唔錯,最後「紅燒牛肉湯麵」湯有少少辣，牛筋夠哂軟，牛肉唔會無哂味，整體而言都唔錯，雖然要等，不過值得。