大喜屋 (已結業)

之前見朋友UPLOAD個D相好似講到好好食咁, 搞到我女朋友好想去食所以早一個星期就同左女朋友同屋企人去大喜屋食晚市放題首先講下個環境, 坐得都幾舒服, 我諗因為空間夠大第二, 野食方面都算唔錯, 特別要贊既係刺身, 因為係放題黎講佢算係新鮮, 份量方面亦睇得出有誠意, 重有個鹽燒雞翼其實我都覺得幾好食, 夠香。野食既賣相還算可以。其實佢地既燒物都值得一試, 真係燒得幾好味, 我個細食女朋友都食左唔少。另外我覺得炸物比較油, 食落去有D "漏"尤其是係炸芝士年糕, 感覺真係好膩, 如果一開始就食會好快食唔落其他野。天婦羅類就普普通通。尼度有新鮮生果供應, 從圖片亦可見份量好足。價錢方面二百幾一位, 以佢地既質素黎講可以接受。