更多
2014-04-03
2568 瀏覽
最近又紅又黑，又落苞，天氣令人都無咩食慾，昨晚又好夜瞓，好攰，雖然係咁，我都唔甘心係屋企附近既茶餐廳頂一餐；上次去重口味食唔到板醬鴨，今日搵一間田鴨代替下！係微雨中既銅纙灣，明顯少左好多自由痕，少人當然舒服左，但係金百利中心樓下派紙仔既哥哥姐姐，一樣咁落力，即係感覺到你一拎佢張傳單，佢就中左頭獎咁開心！上到去有一股怪味，可能係一開LIFT對住間印度菜既關係，轉左就係今日既餐廳，感覺原來都唔係咁大，比左張靠牆既枱我，張枱設計好靚，仲有D金魚係度游下游下，雖然係靚但係都覺得D魚好慘。個待應問我地要咩茶，我係諗緊之際佢就話佢地有個大麥茶，既然佢咁推介，我就試下，一開始都好清，滲左差不多十分鐘開始有些少味，但係都未係去到好濃果種，佢話老闆專登係北京入貨，我話想買一包，佢就幫我問左價50蚊，我就買左包番屋企睇下可唔可以再滲濃味D。個涼菜叫老虎菜寫係menu第一版，第一度菜，果然有D驚喜，相信個伴汁起左好大既作用，有D麻油同有少少辣，都有開胃作用。唔知係咪因為呢碟老虎菜，引致第二度菜拆骨肉無咩味道，其實都唔平，百幾蚊6件，無想像中咁好食。食食下睇下周圍環境，見到一個好似李嘉城既先生靠窗邊飲緊紅酒，
係微雨中既銅纙灣，明顯少左好多自由痕，少人當然舒服左，但係金百利中心樓下派紙仔既哥哥姐姐，一樣咁落力，即係感覺到你一拎佢張傳單，佢就中左頭獎咁開心！
上到去有一股怪味，可能係一開LIFT對住間印度菜既關係，轉左就係今日既餐廳，感覺原來都唔係咁大，比左張靠牆既枱我，張枱設計好靚，仲有D金魚係度游下游下，雖然係靚但係都覺得D魚好慘。
個待應問我地要咩茶，我係諗緊之際佢就話佢地有個大麥茶，既然佢咁推介，我就試下，一開始都好清，滲左差不多十分鐘開始有些少味，但係都未係去到好濃果種，佢話老闆專登係北京入貨，我話想買一包，佢就幫我問左價50蚊，我就買左包番屋企睇下可唔可以再滲濃味D。
個涼菜叫老虎菜寫係menu第一版，第一度菜，果然有D驚喜，相信個伴汁起左好大既作用，有D麻油同有少少辣，都有開胃作用。唔知係咪因為呢碟老虎菜，引致第二度菜拆骨肉無咩味道，其實都唔平，百幾蚊6件，無想像中咁好食。
食食下睇下周圍環境，見到一個好似李嘉城既先生靠窗邊飲緊紅酒，北京餐廳飲紅酒，感覺好高擋，我又上左一課！枱頭望下天花既設計，有張大大塊紅布，我即刻聯想起之前D僵屍片，用黎鎮壓住佢地D附文，好彩我唔係坐下面。
終於主角出埸，北京填鴨！哇，半隻？乳鴨黎架，半隻....,不過試下味道先，塊皮比之前食的皮厚左好多，包住黎食真係無晒D鴨味，為左求証，我決定唔用皮包住黎食一片，結果鴨既味道真係好弱，可能真係唔關塊皮事。
而小籠包有6隻,個皮都唔弱，但比起我上回食果間既小籠包好食好似唔係好夠食，叫多味孜然羊肉，呢一味就似番D樣，羊肉不是好似我在上海食街邊既燒羊肉串咁硬，口感軟身，但有羊肉串既風味，但都OK辣，唔係好食得辣既朋友要諗諗，好彩我朋友食到。
總括黎講以咁既價錢，唔算係好OK
張貼
