更多
2014-03-26
435 瀏覽
早前到YAHOO團購左$10一杯兩球既份子雪糕，不過睇完食評都有心理可能會唔多順利，一早打左電話去問今日幾點有雪糕，個女仔答三點半後。如是者我去到就諗住早少少去排隊啦，果陣時已經有幾個人係度等梗，時間我諗係3:15PM左右，我見入面好清靜下，小貓一兩隻，而入面坐係度果Ｄ全部都唔係食野，係度打機，睇報紙，傾電話。至於員工，大概有四五個左右，好清閑咁係度清潔呀，摺下紙巾咁。到左3:25PM左右，Ｄ人開始問幾時有得換雪糕，跟住佢地就答未夠鐘，叫我地排隊。終於都等到夠鐘啦，見到有一個女仔行左去櫃台（請留意，係一個），用果部所謂份子雪糕機黎打雪糕，整到周圍煙，但都要等佢整一陣。點知，整左果一陣（大概冇左十分鐘），出得兩杯雪糕，仲要唔係排第一果個拎，竟然係後面黎果Ｄ拎先。 Ｄ人開始嬲，「有冇搞錯，點解唔係整比頭果Ｄ客先 」「整咁鬼耐先一杯，又唔早Ｄ開舖整 」「嘩，我第七十幾杯雪糕，等到幾時呀 」，紛紛聽到Ｄ人係度嘈。跟住有個女仔就企左係門口，叫我地企出黎，唔會塞住個門口，我覺得呢個安排好有問題囉。你明知有人係度排隊，係唔係應該安排定Ｄ人點樣排，譬如拎左飛既排左面，未入機排右面咁。等了又等，
到左3:25PM左右，Ｄ人開始問幾時有得換雪糕，跟住佢地就答未夠鐘，叫我地排隊。終於都等到夠鐘啦，見到有一個女仔行左去櫃台（請留意，係一個），用果部所謂份子雪糕機黎打雪糕，整到周圍煙，但都要等佢整一陣。點知，整左果一陣（大概冇左十分鐘），出得兩杯雪糕，仲要唔係排第一果個拎，竟然係後面黎果Ｄ拎先。
Ｄ人開始嬲，「有冇搞錯，點解唔係整比頭果Ｄ客先 」「整咁鬼耐先一杯，又唔早Ｄ開舖整 」「嘩，我第七十幾杯雪糕，等到幾時呀 」，紛紛聽到Ｄ人係度嘈。跟住有個女仔就企左係門口，叫我地企出黎，唔會塞住個門口，我覺得呢個安排好有問題囉。你明知有人係度排隊，係唔係應該安排定Ｄ人點樣排，譬如拎左飛既排左面，未入機排右面咁。
等了又等，等左半個鐘，我只係排第五左右，都等左咁耐，我就問，「小姐，後面果Ｄ都整好，點解前面果Ｄ仲未有得拎架。」，其實由頭到尾都係得一個女仔整雪糕。跟住我就問另一個呀姐，佢話「整雪糕都要時間架！」我話我已經等左超過十五分鐘啦喎，咁每個人整十五分鐘，我排第五係唔係要等個幾鐘呀？？ 」跟住佢就走左去。
出面企係度冇乜貢獻，亦冇幫手整雪糕既呢位小姐（如圖），就不停係度對住整梗雪糕果位用粗口細細聲咁咀咒梗我地Ｄ客，好天真好傻咁以為我地真係唔知。有時想講，員工咩質素，對間舖頭黎講，都擔當一個好重要既角色。
講番杯雪糕，有天真既我諗住終於可一嘗份子雪糕，有一個好大既驚喜，可能安撫番我頭先憤怒既心情。好可惜，杯雪糕既質素仲衰過雀Ｘ，味道跟材料不乎（我買的是法國朱古力，以為最穩陣），完全唔係朱古力味，唔知咩味，甜就唔算甜，不過個質地黏住黏住咁，食一啖果時好似芝士咁有條絲，好快就溶。不過嬲過頭同埋唔好食，所以冇影相比大家睇。人地話團購冇好野，可能係真既。但冇諗過Ｄ員工，可以服務態度如此差。更可惜既係，杯雪糕既質素，實在太差。「送比我都唔會食!! 」
張貼
