更多
2014-03-23
4507 瀏覽
今晚想食韓食，但又唔想去韓燒舖，整到全身都係燒烤味，於是響屋企周圍搵韓國館子，咁就見到尼間外買店，fine，都成7點鐘，其他地方堂食應該係冇咩可能，拎返屋企反而方便d～入去就見到好多人排緊隊，一路排隊一路撿食邊d餸，第一次來試，咁就order左 杯杯雞(細)，炸醬麵，魚肉串，炒粉絲，雜錦拌飯，炒年糕，⋯⋯都要成200蚊。跟住行出去等，見到更加多人過來排隊，有d人等到唔耐煩走左添～更加另我有所期待!正所謂期望越大，失望越大！聽小弟慢慢道來：1. 炒年糕唔見左⋯⋯可能搞錯左，俾左我一份海帶湯⋯OMG，我最憎海帶湯用海帶葉+味粉，同飲泡麵湯有咩唔同？泡麵得10蚊遮2. 炒粉絲用料好足，可惜敗在粉絲上，用最普通既粉條，點會做得出非常入味，又有彈力既炒粉絲呢？冇錯，炒粉絲冇味道，冇彈力，膠味重，非常失望。3. 杯杯雞，唔錯，味道okay，雞腥味都冇，尼味值得推介4. 炸醬麵，唔知點解有人讚好，我真係好唔明，都係敗在原料度，冇錯，係麵條。醬汁味道唔錯，又有馬鈴薯同肉塊，我個人係滿意既；可惜麵條類似泡麵，冇彈力，冇麵味⋯講多次，唔明點解有人會讚好⋯5. 雜錦拌飯，again，用料好足，但係失望，大家
今晚想食韓食，但又唔想去韓燒舖，整到全身都係燒烤味，於是響屋企周圍搵韓國館子，咁就見到尼間外買店，fine，都成7點鐘，其他地方堂食應該係冇咩可能，拎返屋企反而方便d～
入去就見到好多人排緊隊，一路排隊一路撿食邊d餸，第一次來試，咁就order左 杯杯雞(細)，炸醬麵，魚肉串，炒粉絲，雜錦拌飯，炒年糕，⋯⋯都要成200蚊。跟住行出去等，見到更加多人過來排隊，有d人等到唔耐煩走左添～更加另我有所期待!
正所謂期望越大，失望越大！聽小弟慢慢道來：
1. 炒年糕唔見左⋯⋯可能搞錯左，俾左我一份海帶湯⋯OMG，我最憎海帶湯用海帶葉+味粉，同飲泡麵湯有咩唔同？泡麵得10蚊遮
2. 炒粉絲用料好足，可惜敗在粉絲上，用最普通既粉條，點會做得出非常入味，又有彈力既炒粉絲呢？冇錯，炒粉絲冇味道，冇彈力，膠味重，非常失望。
3. 杯杯雞，唔錯，味道okay，雞腥味都冇，尼味值得推介
4. 炸醬麵，唔知點解有人讚好，我真係好唔明，都係敗在原料度，冇錯，係麵條。醬汁味道唔錯，又有馬鈴薯同肉塊，我個人係滿意既；可惜麵條類似泡麵，冇彈力，冇麵味⋯講多次，唔明點解有人會讚好⋯
5. 雜錦拌飯，again，用料好足，但係失望，大家應該估到問題係邊，冇錯，係米飯，簡單幾個term評價下米飯：硬身，陳米，凍，糙。
6. 魚肉串，味道唔錯，不過價錢太貴，25蚊！我情願43蚊食隔壁三河屋既全份關東煮好過～
總結，韓食好重要既係原材料，醬，米，麵，蛋，直接影響食客既味蕾，一間用心既韓國小食舖，老闆會重視每一個細節，務求用高性價比既食物，帶給客人殿堂級既滿足感。
我俾尼間一個dislike，希望喚起大家對真正美食既追求。
張貼