美味軒食坊 (已結業)

美味軒係我既美食飯堂，今日part time出左糧當然要食得招積。一於叫番個金銀蒜燒蠔來賀一賀佢先。美味軒既蠔用香蒜來燒，令蒜香同蠔汁鮮味同時散發。一碟6隻大蠔，未攞到上桌都已經香氣逼人。手機食先之後馬上開動！蠔肉質地都幾嫩滑，唔會有燒到D肉質粗糙既情況，反而做到保有肉汁。好多餐廳整蠔通常都會生食or用來意粉，但係美味軒響燒蠔呢一項真係做得好好。食完蠔肉，再意猶未盡咁飲埋殼入面既汁，真係一等一既享受。等下一次出左糧一定再來嘆下呢一碟色香味俱全既燒蠔！