蓮香樓 (已易手) 新餐廳

兩個星期前的一個星期六，連同幾位朋友一行七人行完中上環舊街，準備揾地方食晚餐。 當中有從多倫多返來渡假的朋友，因慕其 ‘老字號’ 盛名而提出去‘蓮香樓’。前後總共叫咗4樣野：濕炒牛河，炒麵，焗魚腸，還有侍應極力推介、號稱日賣百幾隻的‘霸王鴨’。Poster張‘霸王鴨’有焦黃油亮的外皮，賣相確實頗為討好 。大家行咗幾粒鐘，又攰又餓，胃口應該都好好。等了一陣終於有得食！先上來的是牛河，炒麵，淨系賣相已經有少少失望。 全部都鋪了厚厚一層‘玻璃芡’，濕炒牛河唔夠鍋氣，兩樣野都淡而無味， 普通茶餐廳水準都不及 。然後是魚腸，很細份，算系香口，但偏鹹。最後一個萬眾期待的 ‘霸王鴨’ 終於登登登場！！！！ 咦??? 濕嘅？大家一臉詫異，以為叫錯咗 ，因為橫睇豎睇嗰樣都似八寶鴨！ 大家議論咗一陣，最後決定還是試一試味道先講 。一刀切落去，還未劏開鴨肚，一股濃烈的鴨膻味撲面而來.. 實在好！難！頂！ 失望之餘選擇啞忍的朋友就繼續努力 完成 這盤重膻味鴨，但終於有一位朋友忍不住叫來侍應，問：‘請問你地蓮香除咗‘霸王鴨’還有其他鴨嗎？’答：‘冇，得一種’。 問：‘請問我地食緊呢盤鴨系唔系 Poster果款霸