更多
2014-03-16
6775 瀏覽
星期六下午,去完大埔墟街市及熟食中心欽記粉麵食魚蛋粉,就落樓下o既梁九記參觀,佢地係一間凍肉店,租左街市至少六個舖位,除左凍肉仲賣雜貨,由於薄利多銷,客人多到要排隊入店內掃貨 ,真係巴之閉!之後落返街市地下,呢個時候下著微雨,行過對面就係當日第二站華輝餐廳,諗住試下佢地米芝蓮蘋果批,由於時間尚早未肚餓,先去華輝餐廳隔離o既759阿信屋睇下有乜特價貨,近期超市又有減價戰,每星期都會有特別抵買貨品 去完759阿信屋過返去華輝餐廳,見到大門右面櫥窗就係餅櫃,除左蛋撻及椰撻,仲有兩款米芝蓮推介o既蘋果批及雞批,我都係近幾個月先認識華輝餐廳,原來佢地2010年獲得米芝蓮推介 ,蘋果批夠晒特別,係圓形批,好大個,好犀利,唔係一般茶餐廳餅店直徑3吋大,由於揾唔到全世界咁大個銀仔去比較呢個蘋果批有幾大,唯有用塊面去比併 ,真係大過一個人塊面,我諗一提起蘋果批,好多人只係識得麥當勞出品,長條形狀,成條放o係油到炸,但係華輝餐廳蘋果批係法式蘋果批,要將o的批放o係焗爐焗,每隔一段時間新鮮出爐企o係門口一陣,見到都有幾位食客入去買外賣焗批,雖然食完魚蛋粉麵唔係好耐,如果過一,兩個鐘再返黎可能賣晒,又
之後落返街市地下,呢個時候下著微雨,行過對面就係當日第二站華輝餐廳,諗住試下佢地米芝蓮蘋果批,由於時間尚早未肚餓,先去華輝餐廳隔離o既759阿信屋睇下有乜特價貨,近期超市又有減價戰,每星期都會有特別抵買貨品
去完759阿信屋過返去華輝餐廳,見到大門右面櫥窗就係餅櫃,除左蛋撻及椰撻,仲有兩款米芝蓮推介o既蘋果批及雞批,我都係近幾個月先認識華輝餐廳,原來佢地2010年獲得米芝蓮推介 ,蘋果批夠晒特別,係圓形批,好大個,好犀利,唔係一般茶餐廳餅店直徑3吋大,由於揾唔到全世界咁大個銀仔去比較呢個蘋果批有幾大,唯有用塊面去比併 ,真係大過一個人塊面,我諗一提起蘋果批,好多人只係識得麥當勞出品,長條形狀,成條放o係油到炸,但係華輝餐廳蘋果批係法式蘋果批,要將o的批放o係焗爐焗,每隔一段時間新鮮出爐企o係門口一陣,見到都有幾位食客入去買外賣焗批,雖然食完魚蛋粉麵唔係好耐,如果過一,兩個鐘再返黎可能賣晒,又唔知當日仲有冇蘋果批出爐,只好入去買件批外賣拎走,等遲o的冇咁飽先拎黎食,買蘋果批要先到收銀處俾錢,之後到餅櫃向另一位店員拎蘋果批
佢地o既蘋果批及雞批價錢一樣,另外同樣有兩款形狀可供選擇,若果選擇大批切件裝,係一個批切開六塊,我覺得佢地其實可以一開十二都得,而家每件切批係$11,客人亦可選擇要小圓批,一樣係賣$11,至於買成個大批係冇得收平o的,按比例係$66,都算幾抵 ,因為街邊茶餐廳細細個都要$8,文華東方酒店收你$588都得呀! 聽講買成個批係會有把刀俾埋你,而家係分六件,其實分八件最好!我就選擇要蘋果批大批切件裝,唔要小圓批,因為大批切件裝外形比較特別 ,買完蘋果批就繼續行程去第三站懷義街秋田麵包西餅買隱世椰粒仔,之後行到去廣福橋花園食蘋果批
蘋果批可能係剛出爐買,隔左大半個鐘,估唔到蘋果批仲有少少暖 ,蘋果批o既皮係酥皮,有少少牛油香味,撻皮鬆化,厚薄適中餡料係有好多蘋果蓉,用口咬一啖蘋果批,個批o的蘋果蓉唧晒出黎 ,曾經有人話小圓批冇咁多餡,咬落個批o的蘋果蓉冇咁易唧出黎
呢個蘋果批唔多覺有肉桂味,有淡淡蘋果味,食落酸酸地,幾醒胃,唔會好甜,除左食到蘋果肉,仲食到一粒果核添! 曾經睇過介紹話蘋果批係用左蛇果及富士蘋果,因為呢兩款蘋果唔會太甜
有o的茶餐廳好鬼衰,賣o的雞批係似食曲奇餅,餡少 ,餅皮應該係連住及鬆化,若果係似蛋撻曲奇皮係唔收貨 ,而家好多雞批都似係蛋撻曲奇皮咁樣,若果o係車食真係吸塵吸到你嘔 ,呢個蘋果批餅皮o的碎唔係碎得好犀利,揾張紙巾掃兩三下就掃晒落垃圾桶 呢個蘋果批幾好食,相信趁熱食會更加好味,日後有機會黎大埔華輝餐廳,要試下另一款米芝蓮推介雞批,下次應該會選擇堂食,餐廳門面雖然比舊懷舊,不過內有梳化座位,又有得睇電視!
原來呢間餐廳o係大埔三十幾年,每日都賣至少四,五十個大批,如果大家有興趣買個大批,又想保證買到,可以預先打電話俾餐廳預訂架!
題外話/補充資料：
翻看之前o既食評,原來2010年4月o既蘋果批係賣$9,而家只係加左$2,同埋冇因為過左農曆新年加價,值得一讚!
(以上食評乃用戶個人意見 , 並不代表OpenRice之觀點。)
張貼
