更多
2014-03-09
2396 瀏覽
九記條隊好長,下次再戰,見到筷子記門口寫住澳門平民麵食好似幾特別咁,就去一試。好逼好窄,坐得都幾唔舒服,不過都預左既。野食要自己寫,令我諗起細個去食車仔麵,都幾有feel。揀左馬交魚羹(魚肉),澳門包心卷(魚肉包豬肉),幼麵。可以揀湯麵或者撈麵,撈麵都有唔同汁可以揀,有沙茶,咖喱,豉油,連茄汁都有,最後決定要沙嗲汁。好快就上。沙嗲汁都勉強OK既,偏淡。魚肉麻麻,冇乜魚味,唯一可以讚係都幾彈牙既。包心卷賣相好似一片片腸仔咁,都唔覺有魚肉豬肉味。最失望係D麵,太腍。七喜既麵又爽口彈牙,好食好多。下次都係去排隊試九記啦⋯⋯
好逼好窄,坐得都幾唔舒服,不過都預左既。野食要自己寫,令我諗起細個去食車仔麵,都幾有feel。揀左馬交魚羹(魚肉),澳門包心卷(魚肉包豬肉),幼麵。可以揀湯麵或者撈麵,撈麵都有唔同汁可以揀,有沙茶,咖喱,豉油,連茄汁都有,最後決定要沙嗲汁。
好快就上。沙嗲汁都勉強OK既,偏淡。魚肉麻麻,冇乜魚味,唯一可以讚係都幾彈牙既。包心卷賣相好似一片片腸仔咁,都唔覺有魚肉豬肉味。最失望係D麵,太腍。七喜既麵又爽口彈牙,好食好多。
下次都係去排隊試九記啦⋯⋯
張貼