松家日本料理 (已結業)

近期鐘意日式放題，買了團購去中環松家食放題，$169一位，但peak hour要加$30，啲樣加啲，嗰樣加啲，都要二佰幾蚊一位，都幾貴。食物方面，其實我覺得幾好味，但同事覺得麻麻，有沖澠來的啤酒，特飲任飲，特飲有啲好有啲麻麻太甜。生厚切生鮮。熟食好味，豬頸肉入味，青口、粟米、雞腎、羊架、牛柳粒全都好夠味，但比較油。泰式雞腳好好味，可以再要多一轉。雞翼炸得好脆，香口，果然是推介菜式。入坐每位送一客鵝肝多士，juicy爆油超好味，唔夠喉，叫多個鵝肝手卷，滿足。甜品有雪糕，不是牛奶公司，好好味!另一樣要讚是沒有漏單，每份好足料，好夠份量，可惜沒有清酒任飲，愛酒的同事要比錢飲啦!