更多
2014-01-28
1557 瀏覽
眨下眼,蛇年將盡,馬年將至。除咗要同親朋戚友應一應節之外,當然老闆都會請我哋公司同事一齊食吓團年飯啦。依間餐廳好大,聽聞可以擺多成百圍酒席,所以食飯時間都唔洗點等位。依度每日都會有唔同嘅特價點心同粉麵飯食,而且非常抵食添,所以我哋叫晒4款點心。當中,蟹子燒賣好味到要encore,值得一試!新年就嚟,梗係仲要要食下蘿蔔糕,芋頭糕,年糕啦。如果唔想叫咁多碟,仲可以拎住張咭出去大排檔,特別要求佢整三色糕,一次過試晒三種口味,又可以即係拎啲嘢食返嚟食,唔洗慢慢又填點心紙又等。而去到大排檔,必定要叫埋鮑汁雞腳!!!而燒味類,佢哋嘅叉燒出晒名好食,bbq汁味道唔會太甜,肉質又好,唔會乾到硬骨骨。就算平時忙到冇時間食飯,我都一定會叫人幫我去買一盒叉燒飯,食極都唔會厭架 XD。總括黎講,依度啲嘢食唔算貴,好過差唔多平均價錢走去食個快餐啦。
依間餐廳好大,聽聞可以擺多成百圍酒席,所以食飯時間都唔洗點等位。
依度每日都會有唔同嘅特價點心同粉麵飯食,而且非常抵食添,所以我哋叫晒4款點心。當中,蟹子燒賣好味到要encore,值得一試!
新年就嚟,梗係仲要要食下蘿蔔糕,芋頭糕,年糕啦。如果唔想叫咁多碟,仲可以拎住張咭出去大排檔,特別要求佢整三色糕,一次過試晒三種口味,又可以即係拎啲嘢食返嚟食,唔洗慢慢又填點心紙又等。而去到大排檔,必定要叫埋鮑汁雞腳!!!
而燒味類,佢哋嘅叉燒出晒名好食,bbq汁味道唔會太甜,肉質又好,唔會乾到硬骨骨。就算平時忙到冇時間食飯,我都一定會叫人幫我去買一盒叉燒飯,食極都唔會厭架 XD。 總括黎講,依度啲嘢食唔算貴,好過差唔多平均價錢走去食個快餐啦。
張貼