更多
2014-01-21
4478 瀏覽
閒日7點半去到門口都有6pair人等緊位, 心知不妙, 果然攞籌知道要等近十張枱… 附近又冇其他食肆, 等啦!寒風陣陣, 吹足1個鐘先到我地, 不過店員都好窩心的為我們等候中的客人送上熱茶, 值得一讚. 終於入到去, 侍應們都是好有熱誠的年青人, 笑容滿臉, 餐牌列明有漢堡, 三文治, all-day-breakfast, set dinner有steak, 雜扒, 魚可供選擇, 我倆點了兩個set,墨汁海鮮意大利飯, 雜扒餐, 暖哄哄的面包先上, 再來是雜菜湯, 味道一般. 我的墨汁海鮮意大利飯用料頗豐富, 魷魚, 蝦, 青口, 魚塊樣樣齊, 友人的雜扒包括豬扒+香腸, 更有熱辣辣的薯條, 味道拍得住高級西餐廳.意猶未盡, 叫多個香蕉朱古力雪糕窩夫, 製作需時約15分鐘, 不過一邊傾計一邊等都好過. 朱古力雪糕應該不是N牌是貨色, 熱熱的窩夫配冰冰的雪糕是絕妙的口感. 埋單也只是$305, 抵! 下次可以試下非繁忙時間去慢慢嘆下佢其他食物& 咖啡~
張貼
