更多
2014-01-12
3999 瀏覽
慶祝親愛Mr T榮休之喜特別夾埋所有已離開嘅舊同事製造個驚喜晚飯。 揀泰豐婁原因喜歡夠傳統懷舊，好像我哋對Mr T嘅尊重愛載。散叫以下豐富菜式:燻素鵝 - 腐皮充滿煙燻味，餡料豐富大大件，紅蘿蔔、冬菇夠甜美。西芹鴨掌 - 清新前菜有清香西芹同爽口鴨掌，配黃芥辣食夠晒惹味。金腿津菜 - 津菜淋滑清甜，金華火腿味濃郁，咸鮮味浸入汁液同菜裡面。鍋塔豆腐 - 豆腐醮上蛋汁煎到金黃色用醬汁炆透，每件金黃豆腐都鮮嫩有豆香，蛋表面索滿醬汁味。蟹粉小籠包 - 一籠有四隻，未食已見鮮艷蟹油漏出表面，每隻都飽滿肉汁充滿蟹、豬肉鮮味。京燒羊 - 羊腩肥瘦適中，烹調得出色表皮好似乳豬一樣卜卜非常香口，而醬汁有蒜有芫茜調較惹味。鐵板宮保蝦球 - 鐵板淋上宮保汁即刻冒煙發出吱吱喳喳聲，蝦球大大隻宮保汁酸酸甜甜，色香味俱存。山東手撕雞 - 傳統京菜館都有山東手撕雞，先炸、浸鹵過，撕出雞肉已入晒味，淋上調味汁更加滋味。片皮鴨 - 皮脆充滿肉汁，傳統麵皮有厚度夠軟身，連埋鴨、醬、青瓜、京葱一齊食，好滿足。高力豆沙 - 非常大方送咖，叔叔仲話我哋叫起至做，非常新鮮熱辣。拔絲香蕉 - 係我至愛每次食京菜都會叫，脆脆焦糖包住
慶祝親愛Mr T榮休之喜特別夾埋所有已離開嘅舊同事製造個驚喜晚飯。 揀泰豐婁原因喜歡夠傳統懷舊，好像我哋對Mr T嘅尊重愛載。散叫以下豐富菜式:
燻素鵝 - 腐皮充滿煙燻味，餡料豐富大大件，紅蘿蔔、冬菇夠甜美。
西芹鴨掌 - 清新前菜有清香西芹同爽口鴨掌，配黃芥辣食夠晒惹味。
金腿津菜 - 津菜淋滑清甜，金華火腿味濃郁，咸鮮味浸入汁液同菜裡面。
鍋塔豆腐 - 豆腐醮上蛋汁煎到金黃色用醬汁炆透，每件金黃豆腐都鮮嫩有豆香，蛋表面索滿醬汁味。
蟹粉小籠包 - 一籠有四隻，未食已見鮮艷蟹油漏出表面，每隻都飽滿肉汁充滿蟹、豬肉鮮味。
京燒羊 - 羊腩肥瘦適中，烹調得出色表皮好似乳豬一樣卜卜非常香口，而醬汁有蒜有芫茜調較惹味。
鐵板宮保蝦球 - 鐵板淋上宮保汁即刻冒煙發出吱吱喳喳聲，蝦球大大隻宮保汁酸酸甜甜，色香味俱存。
山東手撕雞 - 傳統京菜館都有山東手撕雞，先炸、浸鹵過，撕出雞肉已入晒味，淋上調味汁更加滋味。
片皮鴨 - 皮脆充滿肉汁，傳統麵皮有厚度夠軟身，連埋鴨、醬、青瓜、京葱一齊食，好滿足。
高力豆沙 - 非常大方送咖，叔叔仲話我哋叫起至做，非常新鮮熱辣。
拔絲香蕉 - 係我至愛每次食京菜都會叫，脆脆焦糖包住淋淋香蕉，的確好味。
熱鬧笑聲中不知不覺已食完甜品，大家都好滿意呢餐，非常歡樂愉快。
張貼
