更多
2014-01-01
1348 瀏覽
今日係我第一次寫食評，真係不吐不快！唔講唔得！話說我係彌敦道見到有雷門既單張，睇下又唔係貴，價錢中等，食物款式又好似幾ok，咁就同老公一試，上到去唔洗等就有位，一開始樓面俾左個卡位我地坐，但卡位太窄了，所以要求轉坐其他枱，開始叫野食，上菜唔算等得太耐，叫左好多食物，刺身先到，哇！第一次見識到何為薄切三文魚，真係好似張紙咁薄！而且數量又唔齊！老公叫左20塊，但只係黎左10塊，咁我地就叫多幾次，但次次都唔齊，終於忍唔住叫樓面黎齊d，當然最後係唔足啦，我就問樓面點解會唔足數量，佢就揾左個經理黎，經理就答：“因為佢地係根據人數而俾數量，唔係客人叫幾多就俾幾多！“我聽完呢個答案真係覺得好好笑，呢間叫放題，放題唔係任叫任食嫁咩？我食過咁多間放題，真係從來冇聽過呢d話囉！咁辜寒好心就咪鬼做放題啦！講完三文魚，講下最簡單既芝士西蘭花，4個字講晒：“難食到嘔“！我放入囗，吐都吐唔切！芝士就一小篤，西蘭花淋pet pet！完全談不上係一個廚房師傅整既食物！冇水準！再黎就係“鹽燒雞皮“，正所謂“鹽燒“就係燒得好乾身，較為脆囗，但係呢個“鹽燒雞皮“就油立立，又淋，囗感好似未熟咁，10成9係炸既！仲有一個燒雞翼
講完三文魚，講下最簡單既芝士西蘭花，4個字講晒：“難食到嘔“！我放入囗，吐都吐唔切！芝士就一小篤，西蘭花淋pet pet！完全談不上係一個廚房師傅整既食物！冇水準！
再黎就係“鹽燒雞皮“，正所謂“鹽燒“就係燒得好乾身，較為脆囗，但係呢個“鹽燒雞皮“就油立立，又淋，囗感好似未熟咁，10成9係炸既！仲有一個燒雞翼，但黎到變左炸雞翼！仲有好多好多既問題，真係講唔晒！
另外，樓面成日都唔執枱，淨係放低食物，見到有吉碟都唔執，野食亂咁放！
總括黎講，只此一次，下不為例！
**題外話：坐我地隔離有幾枱貌似老細既親戚客人，嘈到拆天！唔講以為去左街市食飯囉！
不過值得一讚，地方都算乾淨，佢杯“乳酸多多“都幾好飲
張貼
