大食代 (已結業)

講真， 本人並唔係咁鐘意去food court 食嘢， 因為通常d food court 要東奔西撲去買嘢食， 其實就同食快餐都無咩分別， 但價$又唔係太平， 仲要唔跟餐飲， 但呢度大食代既嘢食就不過不失吧， 最估唔到佢地正中間有檔係專賣鮮榨果汁同咖啡奶茶， 原本唸住佢地既咖啡奶茶一定係唔好飲， 但又真係好想飲咖啡， 咁就叫左杯南洋咖啡(煉奶) , 再另外叫左杯南洋奶茶(淡奶), 一試杯咖啡， 真係好好味， 雖然我唔知正宗既南洋咖啡係點， 但佢地既咖啡有好香濃既咖啡味， 唔會酸， 配埋煉奶真係好perfect, 茶記價$有咁既水準(雖然唔係好大杯) ， 我覺得賺左， 之後我仲買埋佢既南洋咖啡(淡奶) 試試有咩唔同， 原來落淡奶仲更加濃郁咖啡味， 但就無咁滑， 所以我都係鐘意落煉奶多d........ 其實， 佢杯南洋奶茶都好好味， 茶味奶味都均匀， 唔會有苦澀味， 唔錯。 唔錯