更多
2014-01-01
4910 瀏覽
尤記得兒時跟住婆婆去鵝頸橋還餸之後佢會帶我上街市熟食檔食早餐或午餐，記得惠記朝早有粥、油炸鬼、腸粉等廣式早餐， 最當時最愛白粥+牛脷酥。 而午市會有廣式燒臘同咖喱。事隔多年婆婆已離去但係佢帶俾我嘅生活點滴同兒時嘅味道、情懷記憶尤新。星期六行過灣仔差不多一點， 想到好耐無去惠記食嘢一於去睇吓。上到去見到人頭湧湧，同以前一樣舖位無乜改動過， 自己搵位坐彽然後落order， 由於供應清真食物所以無叉燒或燒肉之類， 其他燒臘如燒鴨、油雞、切雞都有，仲有咖喱牛、羊，油菜、蘿蔔等。 兩個人要咗例牌燒鴨、淨瀨粉、咖喱羊飯。燒鴨剛出爐皮脆肉嫩好juicy，淋上面無乜顏色個燒味汁增添美味，鴨醃得入味肚位置食到好多香料味，絶對唔失色於其他燒鵝名店。 咖喱羊碗頭飯一大碟，羊連汁用小碗載滿瀉放喺飯上面，汁香濃裡面有好多洋葱蓉、咖喱香料好惹味用嚟撈飯最正， 羊肉質唔鞋好淋滑有D連筋煮到好似牛筋咁好有膠質， 不知不覺食晒成碟飯。多年後再次幫趁惠記出品、味道保持水準不變，確實難得。
星期六行過灣仔差不多一點， 想到好耐無去惠記食嘢一於去睇吓。上到去見到人頭湧湧，同以前一樣舖位無乜改動過， 自己搵位坐彽然後落order， 由於供應清真食物所以無叉燒或燒肉之類， 其他燒臘如燒鴨、油雞、切雞都有，仲有咖喱牛、羊，油菜、蘿蔔等。 兩個人要咗例牌燒鴨、淨瀨粉、咖喱羊飯。
燒鴨剛出爐皮脆肉嫩好juicy，淋上面無乜顏色個燒味汁增添美味，鴨醃得入味肚位置食到好多香料味，絶對唔失色於其他燒鵝名店。 咖喱羊碗頭飯一大碟，羊連汁用小碗載滿瀉放喺飯上面，汁香濃裡面有好多洋葱蓉、咖喱香料好惹味用嚟撈飯最正， 羊肉質唔鞋好淋滑有D連筋煮到好似牛筋咁好有膠質， 不知不覺食晒成碟飯。
多年後再次幫趁惠記出品、味道保持水準不變，確實難得。
張貼
