西沙茶座

營業中

休息中

今日...我同我朋友終於嚟咗呢間...我哋講咗好耐嘅茶座...每次揸車經過都話要嚟試...今日終於心血來潮咁去咗呢個地方...估唔到原來係食泰&印菜...仲有免費泊車...又有人幫我哋泊車...不過我哋揀咗個好近Live Band嘅位...啲音樂大聲得濟...我哋傾偈要好大聲...我哋點咗泰式豬頸肉&鹹魚炒芥蘭&蝦醬炒飯&蝦球炒粉絲...我哋最鍾意都係鹹魚炒芥蘭！好味！最冇食淨太多嘅餸...佢個鹹魚炒芥蘭個味啱啱好！佢炒到啲芥蘭有鹹魚同菜味...我哋會為呢個餸再到訪...佢大部分嘅餸都好好食...個泰式豬頸肉唔點個酸汁會好味啲...有幾粒鮮菠蘿做伴菜...個鮮菠蘿一啲都唔酸！仲好甜！個蝦球炒粉絲雖然係辣嘅...但對於唔太食得辣野嘅我都接受到...個蝦醬炒飯嘅味道亦啱啱好！值得再嚟...亦值得推介...