更多
2013-12-20
4491 瀏覽
XO仔同表妹兒時與大姨媽大姨丈同住，感情非常深厚，佢地可以話係「睇住我地大，睇住我地乖」 ！姨媽姨丈早年移居美國，大家見面機會少咗，難得近日訪港，我地兩老表就特意請佢地飲茶，一盡地主之誼之餘，亦希望值此機會答謝一吓佢地多年來o既關愛及照顧 。為表誠意，飲茶地點當然係長輩話事啦，結果姨媽揀咗一間小肥都冇去咗成十幾年o既翠亨邨，等大家一邊聚舊，一邊懷舊！多年來屹立不倒o既翠亨邨位於中環核心地段，公共交通工具無一不到，方便得很。咁多年冇黎，感覺翠亨邨o既裝修及格調冇乜話好大改變，地方依舊光猛企理，高雅衛生舒適。服務方面，姐姐仔都算做得唔錯，不過經理Raymond哥哥就更加周到，不但講解母公司美麗華所提供o既不同餐飲優惠，亦有迎合食客不同口味而推介精選美食，又親自換茶上菜，招呼做到足 。大姨媽係家中o既大家姐，亦係當日午餐之主賓，所以叫餸啲咁重要o既任務我地就交托咗比佢。佢同三姨媽商討過後，結果叫咗幾款點心、燒味、小食大家分黎食： 脆皮燒腩仔（$128）：半肥瘦o既燒腩仔外表層次分明，外皮香脆，肉質鬆化，我地六個人，五分鐘都唔洗就清哂成碟餸 ，真係唔講得笑！ 黑松露素粉果（$39）
多年來屹立不倒o既翠亨邨位於中環核心地段，公共交通工具無一不到，方便得很。咁多年冇黎，感覺翠亨邨o既裝修及格調冇乜話好大改變，地方依舊光猛企理，高雅衛生舒適。服務方面，姐姐仔都算做得唔錯，不過經理Raymond哥哥就更加周到，不但講解母公司美麗華所提供o既不同餐飲優惠，亦有迎合食客不同口味而推介精選美食，又親自換茶上菜，招呼做到足 。大姨媽係家中o既大家姐，亦係當日午餐之主賓，所以叫餸啲咁重要o既任務我地就交托咗比佢。佢同三姨媽商討過後，結果叫咗幾款點心、燒味、小食大家分黎食：
脆皮燒腩仔（$128）：半肥瘦o既燒腩仔外表層次分明，外皮香脆，肉質鬆化，我地六個人，五分鐘都唔洗就清哂成碟餸 ，真係唔講得笑！
黑松露素粉果（$39）：早一個禮拜，姨媽食完第一次已經極力推介此道點心！黑松露素粉果脹卜卜，皮薄餡多，松露香為素菜加以點綴，猶如畫龍點睛，清甜爽脆，小肥極為欣賞 ！
瑤柱菜苗餃（$42）：菜苗餃內有隻蝦，清得黎都幾爽口，唔錯。
蜜汁叉燒（$128）：XO仔好怕食瘦叉，最驚佢又嚡又乾！翠亨邨碟叉燒雖然冇肥層，但肉質絕不嚡口，咬落非常鬆軟，又夠肉汁，食完先知原來瘦叉都可以咁好味 ！
金磚豆腐（$68）：豆腐夠嫩，可惜個皮就唔係好夠脆，味道亦唔多夠濃，建議師傅由大件o既金磚豆腐改造較細o既豆腐粒，皮層o既脆度會易掌握啲，一口一件，又會易入口啲。
滷水鴨舌（$88）：鴨舌超脆，而且好入味，一個字講哂：「正」！
翠亨邨靚一雞（$198/半隻）：三姨媽介紹話依味「靚一雞」係翠亨邨o既招牌餸，就算只係黎飲茶都必定要叫半隻黎試！靚雞原來係手斯雞，冇骨啖啖肉，雞肉香滑幼嫩，大小雙肥like爆，必吃推介也 ！
皮蛋莞荽斑骨湯米（$138/鍋）：魚湯香濃足料，一啲腥味都冇，米線滑溜，比起食炒粉麵健康得多。
金粟南瓜露（免費贈送）：暖暖o既南瓜露唔係好甜，只係唔多夠滑；媽咪提及到此乃免費贈送，要求唔應該太高。
蜂蜜蛋散（$42）：蛋散炸得夠乾身，蜜糖份量又唔會過火，整體香甜薄脆，大姨媽食得最高興！
其他收費：茗茶：$15/位
手拉白腸粉（$45）
XO醬炒腸粉（$68）
蒜泥拍青瓜（$68）
喺中環有三十幾年歷史o既翠亨邨地點方便就腳，而且比起其他老字號o既中菜廳亦較為優雅舒適衛生，經理服務好，毫無架子，事事親力親為，友善好客，我地一行六人都覺得好受歡迎 ！食物當中以黑松露素粉果及燒味最為美味出眾，埋單每位約$200，小肥其實覺得都幾貴，不過最緊要主角大姨媽大姨丈食得開心，個荷包先冇咁肉痛 。
張貼
