更多
2013-12-04
424 瀏覽
噚日中午要到尖沙咀做嘢咁就喺附近睇吓有乜好食啦，見到味皇有冇骨海南雞飯，沙薑雞飯同其他幾款雞飯，見佢主打雞飯諗住冇衰啦，點知就咁賴咗嘢，一入去就睇睇餐牌，一於叫沙薑雞飯，點知一叫完都唔夠一分鐘就有個呀姐放個下午菜牌落嚟，原來佢一點半已經有下午茶，頂又唔出聲，早知叫咖哩啦36蚊已經有，想問佢改唔改得碟飯已經到，算！一睇個樣已經覺同張相相差好遠，啲飯質好差，一望就知好乾好硬，又有啲白有啲黃，好肉酸😨😨，啲雞切到好大舊，好肥好肥，其中竟然有舊頸皮，冇肉放落去都係想整到好多雞咁啫，都算，食啦，咬開咗啲皮諗住咬一啖…點知係咬唔開！勁un！咬極都咬唔開咁唯有成舊食，唉真係un到好似食香口膠咁，乜雞嚟㗎！似煲湯嗰啲老雞多啲囉，仲有雞下面啲生菜，黃到我諗佢都冇諗過有人會食囉，成碟飯難食到，仲要45蚊，早知去食老麥好過，啲飯應該同餵豬啲差不多，真係比一日我都食唔完，呢世我都唔會再嚟！
一睇個樣已經覺同張相相差好遠，啲飯質好差，一望就知好乾好硬，又有啲白有啲黃，好肉酸😨😨，啲雞切到好大舊，好肥好肥，其中竟然有舊頸皮，冇肉放落去都係想整到好多雞咁啫，都算，食啦，咬開咗啲皮諗住咬一啖…點知係咬唔開！勁un！咬極都咬唔開咁唯有成舊食，唉真係un到好似食香口膠咁，乜雞嚟㗎！似煲湯嗰啲老雞多啲囉，仲有雞下面啲生菜，黃到我諗佢都冇諗過有人會食囉，成碟飯難食到，仲要45蚊，早知去食老麥好過，啲飯應該同餵豬啲差不多，真係比一日我都食唔完，呢世我都唔會再嚟！
張貼