緣聚 (已搬遷) 新店位置

我朋友話要食放題，而且要去元朗食，我心諗乜元朗有放題食咩？佢講緊緣聚，之後我上openrice度睇下啦原來佢有個流動coupon，兩人同行一人半價既優惠，你入坐之前出示返就會有呢個優惠，之後諗住試吓啦點知可以用超開心！我哋就即刻野食,有刺身壽司沙律等等，全部都好新鮮,之後你落單無耐啲嘢食就即刻上到，超級快手！最記得就係佢嘅火焰三文魚一開始覺得好奇怪，唔確定係咪好好食但之後食咗之後仲追加左幾次添！另外花之戀同啲刺身都唔錯入口即溶啖啖肉。成餐食得好滿足食日式放題食日本野，梗係飲番啲清酒同埋梅酒架啦，我個人就唔太鍾意，不過都算叫有試過啊！其實仲有火鍋架，但我哋今次只係專注食刺身壽司，有機會可以試吓嘅最後梗係要食番D甜品啦，都有幾多選擇架，藍莓布甸啊，木糠布甸，芒果布甸，雪糕同泡芙等等最鍾意就係木糠布甸同埋藍莓芝士蛋糕，雖然個份量係幾細但係只係滿足返自己嘅心靈姐哈哈埋單嗰陣時兩個人加埋都係三百幾蚊好抵，有機會下次會再試過！最後講埋個環境，背景會有啲熟悉音樂播住，整體黎講都幾舒服嘅，加上其他人D朋友傾計聚會嘅聲音，形造咗好溫馨既氣氛