再興燒臘飯店

營業中

休息中

之前睇過好多食評，大部份食評對再興的評價相當高，所以好有興趣會一會再興的招牌菜叉燒飯。這晚在金鐘辨完私人事之後，便搭叮叮到灣仔的再興，黎到好彩唔洗排隊，一見有位就攝咗落去，即刻叫咗個肥叉燒飯同例湯，唔夠一分鐘，已經有呢兩樣嘢放在你面前。碟叉燒飯未食落口，第一時間見到叉燒的份量相當多，叉燒入口，口感鬆化，甜味啱啱好，雖然已經叫咗肥叉，但係完全唔覺係肥叉，其實都有心理準備，知道肥叉等於半肥瘦，眼前的叉燒真係偏瘦，只有小小肥肉。例湯味道濃，應該係無用味精，而且都好大碗。在灣仔區，只係用三十一個大洋，就有叉燒飯同例湯，真係好抵食，可况呢度嘅叉燒咁出名同好味，值得一試再試。